29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Դավիթ Տոնոյանի գործով առաջին դատական նիստը․ ՈՒՂԻՂ
Հասարակություն
19.01.2022 | 15:08
Երևան քաղաքի ընդհանուր իրավասության դատարանում՝ դատավոր Մանվել Շահվերդյանի նախագահությամբ մեկնարկում է «Անպիտան հրթիռներ» անունը ստացած քրեական գործի քննությունը։ Ամբաստանյալի աթոռին են հայտնվել Պաշտպանության նախկին նախարար Դավիթ Տոնոյանը, ՊՆ ԳՇ նախկին պետ Ստեփան Գալստյանը, ԳՇ պետ Արտակ Դավթյանը, Պատրոն Դավո մականվամբ հայտնի զենք մատակարարող ընկերության տնօրեն, գործարար Դավիթ Գալստյանը ու ևս 4 բարձրաստիճան պաշտոնյան։
Դավիթ Տոնոյանի պաշտպանական խումբն օրեր առաջ հայտարարություն տարածեց, որ ՊՆ նախկին նախարարը պահանջելու է դռնբաց դատական նիստեր՝ քրեական գործի հրապարակային քննություն ապահովելու համար:
Ըստ Ազգային անվտանգության ծառայության՝ 2018-ից 2020 թվականները պաշտպանության նախարարի պաշտոնը զբաղեցրած Դավիթ Տոնոյանը որպես մեղադրյալ է ներգրավվել շուրջ 4.7 մլն դոլար հափշտակելու և կեղծիքներ, հանրորեն վտանգավոր արարքներ կատարելու համար։ Նույն գործով մեղադրյալ է նաև բանակին զինամթերք մատակարարած ընկերության տնօրեն՝ Պատրոն Դավո մականունով հայտնի Դավիթ Գալստյանը և մյուս նախկին բարձրաստիճան պաշտոնյաները։ Իսկ Արտակ Դավթյանը մեղադրվում է պաշտոնեական դիրքը չարաշահելու կամ պաշտոնեական լիազորությունների սահմանն անցնելու համար, որը ծանր նյութական հետևանքներ է առաջացրել։
Ռոզա Վարդանյան
