08.02.2026 | 15:29
Իտալիայի իշխանությունները հաղորդել են Օլիմպիական խաղերի առաջին օրը երկաթուղային դիվերսիաների մասին
Աշոտ Ահարոնյանը՝ ոստիկանության վաղվա գործողությունների մասին
Հասարակություն
15.04.2018 | 21:24
Ոստիկանության հասարակայնության հետ կապի և լրատվության վարչության պետ Աշոտ Ահարոնյանը հրաժարվում է մեկնաբանել Նիկոլ Փաշինյանի՝ այսօր երեկոյան հրապարակած խաղաղ անհնազանդության գործողությունների վերաբերյալ ոստիկանության հնարավոր գործողությունները:
«Վերջին օրերին ոստիկանությունը պարբերաբար հայտարարություններ անում է: Հետևեք, կլինի հայտարարություն, դուք էլ տեղեկացված կլինեք»,- Factor.am-ի հարցին ի պատասխան՝ ասաց Ոստիկանության լրատվության վարչության պետը:
Հիշեցնենք, որ այսօր երեկոյան «Քաղաքացիական պայմանագիր» կուսակցության վարչության անդամ Նիկոլ Փաշինյանը հրապարակեց գործողությունների ծրագիր, որով վաղը պատրաստվում են խաղաղ անհնազանդության գործողություններ իրականացնել և 36 ժամ շարունակ պայքարելուց հետո հասնել նրան, որ խափանվի վարչապետի ընտրության քվեարկությունն Ազգային ժողովում:
Ընդդիմության վաղվա քայլերի մասին՝ այստեղ:
