19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Առողջության նոր համակարգում պետք է նույնականացվեն ապահովագրված անձինք. ՏԵՍԱՆՅՈՒԹ
18.01.2022 | 14:13
Առողջության ապահովագրության համակարգի ներդրման և դրա սահուն աշխատանքի համար շատ կարևոր է ճիշտ կազմակերպել անձանց նույնականացումը համակարգում: Այս մասին լրագրողների հետ զրույցում նշեց փորձագետ, առողջության համապարփակ ապահովագրության ներդրման հայեցակարգի մշակման աշխատանքային խմբի անդամ Սամվել Խարազյանը:
«Պետք է նույնականացնենք բոլոր անձանց, ովքեր համակարգի շահառու են դառնալու: Այս խնդիրը բարդանում է նրանով, որ Հայաստանում չկա համակարգ, որը պարունակում է քաղաքացիների մասին ընդլայնված, ճշգրիտ տվյալներ:
Գուցե այս համակարգի ներդրումը զուգակցվի ֆիզիկական անձանց եկամուտների պարտադիր հայտարարագրման համակարգի ներդրման հետ, որովհետև այս համակարգերի զուգակցումը մեզ հնարավորություն կտա ավելի ճիշտ գնահատել եկամուտներից որոշակի ապահովագրավճարների չափերի որոշումը:
Առողջության ապահովագրության համակարգին անցումը ավելի սահուն իրականացնելու համար քայլեր են անհրաժեշտ, և դրանք Հայաստանում պետք է փուլ առ փուլ իրականացվեն»,- նշեց Խարազյանը:
Մանրամասները՝ տեսանյութում:
