24.03.2026 | 20:37
Արարատի մարզում գազալցակայանի գործունեություն է կասեցվել
Բնակարանային, ֆինանսական, վարկային պարտավորությունների աջակցություն․ Արցախում իրականացված ծրագրերը. ՏԵՍԱՆՅՈՒԹ
Տնտեսություն
18.01.2022 | 11:37
Պետական նախարարի աշխատակազմի կողմից մշակվել են մի քանի ծրագրեր: Այս մասին այսօր 2021-ի ամփոփիչ ասուլիսում հայտնեց Արցախի պետական նախարար Արտակ Բեգլարյանը:
«Առաջին հերթին պատերազմի հետևանքով դժվար կացության մեջ հայտնված ֆիզիկական և իրավաբանական անձանց վարկային պարտավորություններին ուղղված վարկային, ֆինանսական աջակցության ծրագիրն է մշակվել, որի շրջանակներում ադեն բավականին աշխատանք կատարվել է և Արցախի ներդրումային հիմնադրամը արդեն ստացել է 46 956 հայտ, որից 8 հազար 352 հայը արդեն բավարարվել է՝ ավելի քան 10 միլիարդ դրամի շրջանակներում:
Մյուս ծրագիրը պատերազմի հետևանքով նյութական վնաս կրած ֆիզիկական և իրավաբանական անձանց պետական ֆինանսական աջակցության ծրագիրն է, որի շրջանակներում 9 300 հայտ է ստացվել, որից արդեն բավարարվել է 1349 հայտ՝ ընդհանուր 6 միլիարդ 722 միլիոն դրամի չափով:
Հաջորդը բնակարանային ծրագիրն է՝ զոհված, անհայտ բացակայող ճանաչված, առաջին կարգի հաշմանդամ ճանաչված և անօթևան քաղաքացիների համար, որի կարգը հաստատվել է կառավարության կողմից, ծրագիրն արդեն մեկնարկել է
Պատերազմի հետևանքով շահառու դարձած ու բնակարանային ապահովման կարիք ունեցող քաղաքացիների խնդիրները կանոնակարգելուց հետո բնակարանային հարցերի կոմիտեն արդեն մեծ թափով զբաղվելու է նաև մնացած բոլոր շահառուների բնակարանային կարիքների բավարարման հարցերով:
Պլանավորում ենք ամբողջ դաշտը կանոնակարգել, որպեսզի հնարավորինս արդյունավետ, արդարացի և թափանցիկ համակարգ ունենանք մեր քաղաքացիների համար, որովհետև հիմա գլխավոր խնդիրներից մեկը բնակարանային խնդիրն է»,- նշեց Բեգլարյանը:
Մանրամասները տեսանյութում:
