ՄԻԱՎ-ով տարեց տղամարդը հայտնվել է փողոցում. անդամահատված Սամվելը չգիտի՝ ում դուռը թակի․ ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

70-ամյա Սամվել Կոստանդյանը արդեն 3 օր է՝ Կառավարական 3-րդ մասնաշենքի դիմաց է։ Միայնակ ապրող տղամարդը վարակված է ՄԻԱՎ-ով և հիմա անգամ ապրելու տեղ չունի։ Օրեր առաջ էլ վիրահատել են ու հեռացրել ձախ ոտքը։ Աշխատանքի և սոցիալական հարցերի նախարարությունից կացարան է խնդրում․

«Խնդրեցի, որ ինձ բերեն Աշխատանքի և սոցիալական հարցերի նախարարություն, որպեսզի խնդրեմ՝ ինձ ապրելու տեղ տան, թեկուզ ծերանոցում։ Ինձ մերժել են հիվանդություններիս պատճառով։ Այն ժամանակ ոտքերս կար, փող էի աշխատում, ապրում էի, էլի»,- պատմում է տղամարդը։

Հունվարի 13-ից Կառավարական 3-րդ մասնաշենքի դիմաց անհույս սպասող Սամվելին շտապօգնությամբ տեղափոխել են հիվանդանոց, հաջորդ օրը առավոտից կրկին նախարարության դիմաց է։ Աշխատանքի և սոցիալական հարցերի նախարարությունից պարզապես հուսադրել և ասել են՝ սպասե՛ք։

Փողոցում հայտնված Սամվելը 9 տարի առաջ է իմացել, որ ՄԻԱՎ-ով է վարակված․ այս վիրուսն ախտահարում է մարդու իմունային համակարգը և հանգեցնում իմունային անբավարարության զարգացման: Հիմա ապրելու համար ընդամենը մեկ սենյակ է խնդրում, ասում է՝ եթե ոտքը հեռացրած չլինեին՝ կկարողանար աշխատել և ինքնուրույն ապրել, ինչպես նախկինում։

70-ամյա տղամարդուն 2019-ից օգնել է «Իրական Աշխարհ, Իրական Մարդիկ» հասարակական կազմակերպությունը՝ դրամահավաքի միջոցով նրան ապահովելով ապրելու վայրով, զբաղվելով շահառուի առողջական խնդիրների լուծման հարցերով։ ՀԿ-ն շահառուին տրամադրել է հագուստ, դեղորայք և սնունդ։ Տղամարդու կենսաթոշակն էլ 32․000 դրամ է կազմում։

«Տարբեր կառույցներ գրություններ ենք ուղարկել ու մերժելու պատճառը եղել է այն, որ օրենքով ՄԻԱՎ-ը մերժման հիմք է հանդիսանում»,- ասում է «Իրական Աշխարհ, Իրական Մարդիկ» ՀԿ սոցիալական աշխատող Սոնա Ղազարյանը։

«Սոցիալական աջակցության մասին ՀՀ օրենքի 30-րդ հոդվածի 3-րդ մասով սահմանվում է՝ խնամքի տրամադրումն անձին կարող է մերժվել, եթե նա քրոնիկ ալկոհոլամոլ և/կամ թմրամոլ է, վարակակիր է, տառապում է այնպիսի հիվանդություններով, որոնց բուժումը հնարավոր է միայն հատուկ մասնագիտացված բժշկական հաստատություններում:

Աշխատանքի և սոցիալական հարցերի նախարարության խոսնակ Զառա Մանուչարյանը հակադարձում է այն պնդումներին, թե Սամվել Կոստանդյանը մերժվել է, որովհետև ՄԻԱՎ-ով է վարակված․ մերժումն այլ հիվանդության պատճառով է։

«Տուբերկուլոզը իր բոլոր ձևերով շրջապատի համար վտանգ ներկայացնող հիվանդություն է, ու, ցավոք, քաղաքացու մոտ հենց այդ հիվանդությունն է ախտորոշված։ Տուբերկուլոզ հիվանդությամբ քաղաքացին չի կարող բնակություն հաստատել ժամանակավոր կացարաններում, այս դեպքում նաև նախարարության ենթակայության տակ գործող խնամքի հաստատություններում»,- պարզաբանում է խոսնակը։

Աշխատանքի և սոցիալական հարցերի նախարարությունից այդուհանդերձ վստահեցրին՝ այս պահին խնդրի լուծման այլընտրանքային տարբերակներ են քննարկում։

Սամվել Կոստանդյանին օգնող ՀԿ-ն էլ իր հերթին է հակադարձում՝ նշելով, որ շահառուն այդ հիվանդությունն ուներ 2019 թվականին և արդեն իսկ բուժվել է։ ՀԿ-ից պնդում են՝ նախարարությունը մերժել է քաղաքացուն ՄԻԱՎ-ով վարակված լինելու պատճառով։

Մանուչարյանն էլ նշում է՝ քաղաքացու հետազոտության նոր տվյլաները հուշում են տուբերկուլոզ հիվանդությունը նրա մոտ առկա է։

Մինչ կպարզվի իրականում՝ ով է ճիշտ, իսկ ով՝ սխալ, «Իրական Աշխարհ, Իրական Մարդիկ» ՀԿ-ն Սամվել Կոստանդյանին օգնելու համար դրամահավաք է կազմակերպել։

Մանրամասները՝ տեսանյութում։

Արփի Հակոբյան