29.09.2026 | 09:58
ՀՀ տարածքում ավտոճանապարհներն անցանելի են
Պետք չէ, որ ինչ-որ մեկը մյուսին միանա, պետք է լինի համաժողովրդական շարժում․ Զարուհի Փոստանջյան
Քաղաքականություն
15.04.2018 | 08:53
Այսօր մենք շրջելու ենք Երևանի փողոցներով, հետո մեկնելու ենք Գյումրի, ուր հանրահավաք ենք նախատեսել անցկացնել, որպեսզի գյումրեցիները ևս միանան ընդվզման մեր պայքարին. ասաց Կոմիտասի պողոտայից իրենց քայլերթը սկսած «Երկիր Ծիրանի» կուսակցության առաջնորդ Զարուհի Փոստանջյանը:
«Մեր պայքարը ցանցային է ու պետք է հասկանանք, որ առանց ներգրավելու մեր մյուս քաղաքները, մենք չենք կարող հեղափոխություն իրականացնել»,- ներկայացրեց ընդդիմադիր քաղաքական գործիչը:
Factor.am-ի հարցին՝ Նիկոլ Փաշինյանը կոչ էր անում բոլոր ընդդիմադիր գործիչներին միանալ պայքարին, հավանականության կա՞, որ դուք նույնպես կմիանաք, պատասխանեց. «Կոչի մեջ արդեն սխալ կա, որովհետև այստեղ ընդդիմություն-իշխանություն պայքար չէ ու պետք չէ, որ մեկը մյուսին միանա, այլ պետք է տեղի ունենա համաժողովրդական շարժում և ազգային-ազատագրական շարժման մի մասը սա պետք է լինի, որը պետք է հանգուցալուծի 26-ամյա բռնակալության խնդիրները»:
Զարուհի Փոստանջյանը, որ իր համակիրների հետ Կոմիտասի պողոտայով քայլում էր «Ընդվզիր» պաստառը պարզած, հայտարարեց. «Սա պայքար է հանուն մեր պետականության, հանուն մեր անկախության ու մեր երեխաների ապագայի»:
Մանրամասները՝ տեսանյութում:
