18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Թուրքիայի ԱԳՆ-ն հայտարարել է, որ ՀՀ-ի հետ բանակցություններն անցել են դրական մթնոլորտում
Քաղաքականություն
14.01.2022 | 16:46
Հայաստանի և Թուրքիայի հատուկ ներկայացուցիչների՝ հարաբերությունների կարգավորման վերաբերյալ Մոսկվայում կայացած առաջին հանդիպումն անցել է կառուցողական մթնոլորտում։ ՌԻԱ Նովոստիի փոխանցմամբ՝ այս մասին ասված է Թուրքիայի ԱԳՆ-ի տարածած հայտարարությունում։
Նշվում է, որ Անկարան և Երևանը Մոսկվայում կայացած բանակցությունների ընթացքում պայմանավորվել են շարունակել շփումներն առանց նախապայմանների։
«Առաջին հանդիպման ընթացքում, որն անցել է դրական և կառուցողական մթնոլորտում, հատուկ ներկայացուցիչները նախնական մտքեր են փոխանակել Թուրքիայի և Հայաստանի միջև երկխոսության միջոցով կարգավորման գործընթացի վերաբերյալ։ Կողմերը պայմանավորվել են շարունակել բանակցություններն առանց նախապայմանների՝ լիարժեք կարգավորման նպատակով։ Նրանց երկրորդ հանդիպման ամսաթիվը և վայրը կորոշվի դիվանագիտական ուղիներով»,- ասվում է Թուրքիայի ԱԳՆ հայտարարության մեջ։
Հիշեցնենք, որ հունվարի 14-ին Մոսկվայում կայացել է հարաբերությունների կարգավորման հարցով Երևանի և Անկարայի նշանակած հատուկ ներկայացուցիչների առաջին հանդիպումը։
Տաթև Ֆռանգյան
