09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Հայաստանի և Թուրքիայի հատուկ ներկայացուցիչներն այսօր Մոսկվայում կանցկացնեն իրենց առաջին հանդիպումը
Քաղաքականություն
14.01.2022 | 11:58
Հայաստանի և Թուրքիայի հատուկ ներկայացուցիչներն այսօր Մոսկվայում կանցկացնեն իրենց առաջին հանդիպումը՝ քննարկելու երկու երկրների հարաբերությունների կարգավորմանն ուղղված քայլերը։
«Հարաբերությունների կարգավորման հարցով Հայաստանի և Թուրքիայի հատուկ ներկայացուցիչների առաջին հանդիպումը կկայանա հունվարի 14-ին Մոսկվայում»,- հայտնել էր Հայաստանի ԱԳՆ խոսնակ Վահան Հունանյանը։
Ավելի վաղ Հայաստանն ու Թուրքիան հատուկ ներկայացուցիչներ էին նշանակել երկրների միջև հարաբերությունները կարգավորելու համար։ Հայաստանից հատուկ ներկայացուցիչ է դարձել Ազգային ժողովի փոխնախագահ Ռուբեն Ռուբինյանը։ Թուրքիայի հատուկ բանագնացը Վաշինգտոնում Թուրքիայի նախկին դեսպան Սերդար Քըլըչն է։
Երեկ ՌԴ ԱԳՆ պաշտոնական ներկայացուցիչ Մարիա Զախարովան հայտարարեց, որ բանակցություններին Ռուսաստանը չի մասնակցի, սակայն Մոսկվան, ընդհանուր առմամբ, աջակցում է Երևանի ու Անկարայի միջև հարաբերությունների կարգավորմանը։
Հիշեցնենք, նաև, որ 2021 թվականի դեկտեմբերի 30-ին Հայաստանի իշխանությունները որոշեցին չերկարաձգել Թուրքիայից ապրանքների ներմուծման արգելքը, որը սահմանվել էր 2021 թվականի հունվարի 1-ից։
Տաթև Ֆռանգյան
