10.10.2026 | 12:57
Նավթի գներն աճել են
Վահե Գրիգորյանին ՍԴ դատավոր դարձնելու համար փոփոխություններ էիք առաջարկում, մոռացե՞լ եք․ Վարդևանյան. ՏԵՍԱՆՅՈՒԹ
Քաղաքականություն
11.01.2022 | 10:38
ԱԺ «Քաղաքացիական պայմանագիր» խմբակցության անդամ Վիլեն Գաբրիելյանը Պետական-իրավական հարցերի մշտական հանձնաժողովի նիստում ներկայացրեց «Ազգային ժողովի կանոնակարգ» սահմանադրական օրենքում լրացումներ կատարելու մասին օրենքի նախագիծ, ըստ որի՝ առաջարկվում է՝ եթե մշտական հանձնաժողովի նախագահի տեղակալը չի ընտրվում, ապա իրավասու խմբակցությունը քվեարկությունից հետո՝ հինգ աշխատանքային օրվա ընթացքում առաջադրում է նոր թեկնածու:
ԱԺ «Հայաստան» խմբակցության պատգամավոր Արամ Վարդևանյանն արձագանքեց. «Նոր թեկնածու բառակապակցությունը ձեր քաղաքական թիմի համար պրոբլեմ է… Ես հիշում եմ, դուք ամեն կերպ ասում էիք, որ ձեր թեկնածուն պետք է լինի Վահե Գրիգորյանը, և Վլադիմիր Վարդանյանը օրենսդրական նախաձեռնություն էր բերել, որ նոր թեկնածուի հանգամանքը մի կերպ լուծվեր, բայց չընդունեցիք: Ձեզ շատ պետք էր, որ հենց Վահե Գրիգորյանն ընտրվի ՍԴ դատավոր, և հենց ընտրվեց, ասացիք՝ ՍԴ նախագահ է: Այդ պատմությունը, կարծում եմ, բոլորը հիշում են»:
«Նման ձևով, նման օրենսդական կարգավորումներով ո՛չ պառլամենտարիզմն է հարգվում, ո՛չ ժողովրդավարության սկզբունքը: Սյուբյեկտիվ ընկալումներով պայմանավորված որոշումների իրավական հիմք եք բերում»,-ընդգծեց Վարդևանյանը:
Մանրամասները՝ տեսանյութում:
