27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
Հայտնի է դարձել Ղազախստանում ՀԱՊԿ խաղաղապահ ուժերի ղեկավարի անունը
Քաղաքականություն
07.01.2022 | 14:41
Ղազախստանում ՀԱՊԿ խաղաղապահ ուժերի գործողությունները ղեկավարելու համար նշանակվել է օդադեսանտային ուժերի հրամանատար, գեներալ-գնդապետ Անդրեյ Սերդյուկովը, հայտնում է ՌԴ ՊՆ-ն։ Ալմաթիի օդանավակայանը լիակատար վերահսկողության տակ են վերցրել Ռուսաստանի Դաշնության խաղաղապահները՝ Ղազախստանի իրավապահ մարմինների հետ համատեղ, գրում է Կոմերսանտը։
«Ռուսական կոնտինգենտի բոլոր զինծառայողները հատուկ պատրաստություն են անցել և ունեն իրական մարտական փորձ։ Օդադեսանտային ուժերի հրամանատար, գեներալ-գնդապետ Անդրեյ Սերդյուկովը նշանակվել է Ղազախստանի Հանրապետությունում ՀԱՊԿ խաղաղապահ ուժերի գործողությունները ղեկավարելու համար»,- ասել է գերատեսչության պաշտոնական ներկայացուցիչ, գեներալ-մայոր Իգոր Կոնաշենկովը։
Աղբյուրը հայտնում է, որ ռուսական ռազմատրանսպորտային օդանավերը զինվորականներ են տեղափոխում նաև Բելառուսից, Տաջիկստանից, Ղրղզստանից և Հայաստանից։
Կոնաշենկովի խոսքով՝ պաշտպանության տակ են վերցվել նաև Ալմաթիում Ռուսաստանի գլխավոր հյուպատոսությունը և այլ կարևոր օբյեկտներ։
«ՀԱՊԿ խաղաղապահներն օգնում են Ղազախստանի Հանրապետության իրավապահ մարմիններին կարգուկանոնի պահպանման հարցում»,- ասել է նա։
Հիշեցնենք, որ ավելի վաղ Ղազախստանի իշխանությունները հայտարարել էին, որ ՀԱՊԿ խաղաղապահները չեն մասնակցում ռազմական գործողություններին, այլ պատասխանատու են պետական օբյեկտները պաշտպանելու և պահպանելու համար։
Տաթև Ֆռանգյան
