08.06.2026 | 23:25
24 ժամ ջուր չի լինի Կոտայքի մարզի մի շարք հասցեներում
Ալեն Սիմոնյանն այցելել է ՀՀ հյուսիսարեւելյան սահմանագոտի
30.12.2021 | 22:34
Դեկտեմբերի 30-ին ՀՀ ԱԺ նախագահ Ալեն Սիմոնյանն Ամանորի եւ Սուրբ Ծննդյան տոներին ընդառաջ այցելել է ՀՀ հյուսիսարեւելյան սահմանագոտի: Այս մասին տեղեկանում ենք խորհրդարանի մամուլի ծառայությունից:
Առաջնագծում զորամիավորման հրամանատարի ուղեկցությամբ ԱԺ նախագահը շրջայց է կատարել մարտական դիրքերում՝ նաեւ մասնակցելով նորակառույց դիրքերից մեկի բացման արարողությանը:
Խորհրդարանի ղեկավարը զրուցել է հրամանատարական կազմի եւ զինծառայողների հետ, ծանոթացել նրանց կարիքներին: Ալեն Սիմոնյանը շնորհավորել է զինծառայողների գալիք Ամանորն ու Սուրբ Ծնունդը՝ մաղթելով խաղաղություն եւ բարի ծառայություն:
