29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Էրդողանը հայտարարել է, որ իր նպատակն է՝ Թուրքիան ներառել աշխարհի թոփ-10 տնտեսությունների մեջ
Քաղաքականություն
30.12.2021 | 21:47
Թուրքիայում նոր ավտոմոբիլային թունելի բացման արարողություն է տեղի ունեցել, որին տեսակապով մասնակցել է նաև երկրի նախագահ Ռեջեփ Թայիփ Էրդողանը, գրում է «Անադոլու» գործակալությունը։
«Փըրընքայլար» թունելը 2246 մետր է, որը կապում է Էրզրումի Ուզունդարա շրջանը Արդվին քաղաքի հետ։
Արարողությանն Էրդողանը մի շարք հայտարարություներ է հնչեցել՝ նշելով, որ այն կդյուրացնի Անատոլիայի կենտրոնական շրջանների հաղորդակցությունը երկրի սևծովյան շրջանների հետ։ Թունելը նաև կարևոր օղակ է դառնալու դեպի Վրաստանի սահման տանող երթուղում և դյուրացնելու է բեռնափոխադրումը։
Չնայած երկրում առկա տնտեսական ճգնաժամին՝ Էրդողանը կրկին հավակնոտ հայտարարություն է արել։
«Վերջին տարիներին Թուրքիայում օդանավակայանների թիվը հասել է 56-ի, զգալիորեն ընդլայնվել է նավահանգստային ենթակառուցվածքը։ Ժամանակակից Թուրքիան առանձնանոմ է զարգացող ու զարգացած երկրկրների շարքում ենթակառուցվածքների մասշտաբով ու մակարդակով։ Մեր նպատակն է Թուրքիային աշխարհի 10 առաջատար տնտեսությունների մեջ ներառել և դրանով երկրի դիրքներն ամրապնդել համաշխարհային կառավարման համակարգում»,- ասել է Էրդողանը։
Նշենք, որ Էրդողանը վերջին տարիներին պարբերաբար հանդես է գալիս Թուրքիան աշխարհի թոփ 10 տնտեսությունների մեջ ներառելու խոստումներով, որոնք, սակայն, անկատար են մնում։
Էմմա Չոբանյան
