29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
ՌԴ-ն և Բելառուսը կարողացել են միութենական ինտեգրումը որակապես նոր մակարդակի հասցնել․ Պուտինը՝ Լուկաշենկոյին
Քաղաքականություն
30.12.2021 | 22:18
ՌԴ նախագահ Վլադիմիր Պուտինը Ալեքսանդր Լուկաշենկոյին ուղղված շնորհավորանքում նշել է, որ Ռուսաստանը և Բելառուսը կարողացել են միութենական ինտեգրումը որակապես նոր մակարդակի հասցնել՝ չնայած արտաքին ճնշմանն ու համաճարակին, հաղորդում է Կրեմլի մամուլի ծառայությունը։
«Բելառուսի Հանրապետության նախագահ Ալեքսանդր Լուկաշենկոյին ուղղված շնորհավորանքում ընդգծվել է, որ վերջերս, չնայած արտաքին ուժեղ ճնշումներին և կորոնավիրուսային պանդեմիայի հետևանքով առաջացած սահմանափակումներին, Ռուսաստանն ու Բելառուսը սերտ և արդյունավետ աշխատել են երկկողմ հարաբերությունների օրակարգի լայնածավալ խնդիրների լուծման ուղղությամբ, կարողացել են միութենական ինտեգրումը հասցնել որակապես նոր մակարդակի»,- ասվում է հաղորդագրության մեջ։
ՌԴ նախագահը հավելել է, որ Միութենական պետության Գերագույն պետական խորհրդի նիստում ընդունված փաստաթղթերի իրագործումը հնարավորություն կտա հնարավորինս մոտեցնել Ռուսաստանի և Բելառուսի օրենսդրությունները, ինչպես նաև առաջընթաց գրանցել միասնական տնտեսական տարածքի ստեղծման գործում և հաջողությամբ համակարգել ջանքերը՝ հակազդելու ընթացիկ մարտահրավերներին ու սպառնալիքներին, ասվում է ուղերձում։
Տաթև Ֆռանգյան
