24.04.2026 | 22:50
Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը. Փելոսի
ԱՄՆ-ում ձերբակալել են տղամարդու, որը ցանկացել է սպանել Բայդենին ու Օբամային
Քաղաքականություն
30.12.2021 | 21:14
ԱՄՆ-ի իշխանություններն Այովա նահանգում ձերբակալել են զինված տղամարդու, որը մտադիր էր սպանել ԱՄՆ նախագահ Ջո Բայդենին և երկրի նախկին ղեկավար Բարաք Օբամային, ինչպես նաև Facebook-ի (այժմ՝ Meta) հիմնադիր Մարկ Ցուկերբերգին, հայտնում է NBC-ն։
Կալիֆորնիայում սուպերմարկետի 25-ամյա աշխատակից Կուաչուա Բրիլիոն Սյոնգը ձերբակալվել է հինգշաբթի և այժմ բանտում է, հայտնել են տեղի իշխանությունները: Տղամարդու մեքենայում հայտնաբերել են AR-15 հրացան, զինամթերք, լիցքավորված պահունակներ, զրահաբաճկոններ։
Հայտնի է, որ Սյոնգը տանից հեռացել է դեկտեմբերի 18-ին, ըստ իշխանությունների՝ «ուղիղ Սպիտակ տուն գնալու մտադրությամբ, որպեսզի սպանի իշխանության ղեկին գտնվող մարդկանց»:
Տղամարդը քննիչներին ասել է, որ կազմել է «չար մարդկանց» «իր սեփական ցուցակը», որոնց մտադիր էր սպանել։ Ցուցակում, բացի Բայդենից, Օբամայից և Ցուկերբերգից, ներառված է եղել նաև Միացյալ Նահանգների գլխավոր վարակաբան Էնթոնի Ֆաուչիի անունը, նշում է հեռուստաալիքը։
«Նա ավելացրել է, որ կալանքից ազատվելու դեպքում անմիջապես կշարունակի ճանապարհը դեպի Սպիտակ տուն և կանի հնարավոր ամեն ինչ՝ իր պլանն իրագործելու համար։ Սյոնգը ասել է, որ չի պատրաստվում վերադառնալ Կալիֆորնիա, քանի որ ծրագրում է մահանալ Սպիտակ տանը»,- ասված է դատական փաստաթղթում, որը մեջբերում է հեռուստաալիքը:
Տաթև Ֆռանգյան
