16.01.2025 | 11:05
ԶՈՒ ԳՇ պետ Էդվարս Ասրյանը Բրյուսելում մասնակցում է ՆԱՏՕ-ի ռազմական կոմիտեի նիստին
Բացահայտվել են «օմիկրոն» շտամից մահացության տվյալները
Քաղաքականություն
30.12.2021 | 23:22
Կորոնավիրուսի «օմիկրոն» շտամը 75 տոկոսով ավելի ցածր մահացության մակարդակ ունի՝ նախորդների հետ համեմատ, գրում է The Telegraph-ը՝ վկայակոչելով ՀԱՀ Ինֆեկցիոն հիվանդությունների ազգային ինստիտուտի հետազոտողներին և Պրետորիայի համալսարանի նրանց գործընկերներին:
Գիտնականները հետևել են Գաուտենգ նահանգի Ցվանե քաղաքում հոսպիտալացված հիվանդներին։ Հենց այս նահանգն էր դարձել նոր շտամի բռնկման նախնական էպիկենտրոնը: Նրանք պարզել են, որ հոսպիտալացվածների 4,5 տոկոսը մահացել է «օմիկրոն»-ի պատճառով, մինչդեռ կորոնավիրուսի նախորդ ալիքների ժամանակ այդ ցուցանիշը հասել է 21,3 տոկոսի։
Հետազոտողները նաև պարզել են, որ հոսպիտալացվածների կեսից ավելի պակասը թթվածնային թերապիայի կարիք է զգում, մինչդեռ ավելի հին շտամների դեպքում այս ցուցանիշը կազմել է 99,5 տոկոս: Ինտենսիվ թերապիայի կարիք ունեցող մարդկանց թիվը նույնպես շատ ավելի քիչ է՝ 1 տոկոս՝ նախորդ բռնկումների 4,3 տոկոսի դիմաց:
Տաթև Ֆռանգյան
