16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Թուրքիայի գլխավոր ընդդիմադիր առաջնորդը հայտարարել է, որ կառավարությունը գաղտալսում է ընդդիմադիր քաղաքապետներին
Քաղաքականություն
29.12.2021 | 23:30
Թուրքիայի գլխավոր ընդդիմաԹուրքիայի գլխավոր Ժողովրդահանրապետական կուսակցության առաջնորդ Քեմալ Քըլըչդարօղլուն հայտարարել է, որ կառավարությունը գաղտնալսում է ընդդիմադիր քաղաքապետներին, գրում է Duvar-ը։
Լրագրողների հետ զրույցում Քըլըչդարօղլուն ասել է, որ հատուկ թիմ է ստեղծվել՝ ուսումնասիրելու ընդդիմադիր քաղաքապետների կողմից վարձված աշխատակիցներին։
Այս հայտարարությունը հնչում է այն բանից հետո, երբ Ներքին գործերի նախարարությունը հայտարարեց, որ Ստամբուլի քաղաքապետարանում աշխատող տասնյակ մարդիկ, իբր, կապ ունեն «ահաբեկչական կազմակերպությունների» հետ։
Քըլըչդարօղլուն ասել է, որ Էրդողանը չի կարողանում տանել իր կուսակցության հաջողությունը տեղական ինքնակառավարման ոլորտում և կառավարությունը հարձակվում է քաղաքապետարանների վրա։
«Նրանք գաղտնալսել են մեր քաղաքապետների հեռախոսազանգերը։ Նրանք ստեղծել են հատուկ թիմեր՝ ուսումնասիրելու քաղաքապետարանների կողմից վարձված աշխատակիցներին»,- ասել է Քըլըչդարօղլուն՝ նշելով, ոչ իշխող «Արդարություն և զարգացում» կուսակցությունը ցանկանում է օգտագործել Ստամբուլի քաղաքապետարանի ռեսուրսները, այդ պատճառով ամենից շատ հարձակում են քաղաքապետ Էքրեմ Իմամօղլուի վրա։
Հաղորդվում է նաև, որ Ժողովրդահանրապետական կուսակցության ղեկավարն առանձին-առանձին հանդիպել է քաղաքապետների հետ՝ նրանց հորդորելով աշխատել նույն կերպ՝ չնայած կառավարության թիրախավորմանը։
Էմմա Չոբանյան
