16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ամերիկացի տնտեսագետը պնդում է, որ Էրդողանի կառավարությունը կեղծում է գնաճի տվյալները՝ խաբելով հանրությանը
Քաղաքականություն
29.12.2021 | 22:20
Ջոն Հոփքինսի համալսարանի տնտեսագիտության պրոֆեսոր Սթիվ Հանկեն հերթական անգամ կիսվել է Թուրքիայի տարեկան գնաճի վերաբերյալ իր գնահատականներով՝ այն համարելով 65 տոկոս։
Ճանաչված տնտեսագետն ասել է, որ Թուրքիայի կառավարությունն ազնիվ չէ երկրի իրական թվերի հետ կապված՝ նոյեմբերի պաշտոնական տարեկան գնաճը հայտարարելով 21,31 տոկոս։ Նա նշել է, որ Թուրքիայի Կենտրոնական բանկի պաշտոնյաները հիմա նախագահ Ռեջեփ Թայիփ Էրդողանի «խամաճիկներն են, որոնք ենթարկվում են նրա ամեն հրամանին»։
«Այսօր ես ճշգրտորեն հաշվել եմ Թուրքիայի տարեկան գնաճը՝ 65,04 տոկոս։ Մինչդեռ, նախագահ Էրդողանի Կենտրանական բանկի խամաճիկները հայտնում են, որ նոյեմբերին տարեկան գնաճը կազմել է 21,31 տոկոս։ Այդ թիվը հեռու է իրականությունից, և դա ավելի շատ անազնվություն է Ռեջեփ Թայիփ Էրդողանի ու Կենտրոնական բանկի կողմից»,- թվիթերյան իր էջում գրել է Հանկեն։
Ավելի վաղ էլ Թուրքիայի վիճակագրական ինստիտուտը հայտարարել էր, որ նոյեմբերին տարեկան գնաճը հասել է 21,3 տոկոսի։ Անկախ տնտեսագետների խումբն էլ, որը հայտնի է որպես Գնաճի հետազոտական խումբ, այլընտրանքային գնահատում է կատարել՝ պարզելով, որ տարեկան գնաճը 50 տոկոսից բարձր է:
Էմմա Չոբանյան
