16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԱՄՆ ռազմական ինքնաթիռները Սիրիայում հետախուզական թռիչքներ են իրականացրել ռուսական ռազմաբազաների մոտակայքում
Քաղաքականություն
13.04.2018 | 12:21
Ամերիկյան ինքնաթիռները ամպերի պես կախվել են Սիրիայում ռուսական ռազմակայանների գլխին. գրում է vesti.ru-ն:
Առնվազն յոթ ամերիկյան ռազմական ինքնաթիռ, մեկը մյուսի հերթագայելով, հինգշաբթի օրը հետախուզական թռիչքներ են իրականցրել Սիրիայի այն հատվածներում, ուր տեղակայված են Հմեյմիմ ռուսական ավիաբազան և ՌԴ ռազմածովային նյութատեխնիկական ապահովման բազան:
Հիշեցնենք, որ Լիբանանում Ռուսաստանի դեսպան Ալեքսանդր Զասիպկինը հայտարարել էր, որ ԱՄՆ ագրեսիայի դեպքում Ռուսաստանն իրեն իրավունք կվերապահի ոչնչացնել Սիրիայի վրա արձակված հրթիռներն ու կրակի աղբյուրները: Չուշացավ ԱՄՆ արձագանքը. ԱՄՆ նախագահ Դոնալդ Թրամփը Ռուսաստանին խորհուրդ տվեց պատրաստվել. «Ռուսաստանը խոստանում է խոցել Սիրիայի դեմ ուղղված բոլոր հրթիռները: Պատրաստվի՛ր Ռուսաստան, քանի որ դրանք՝ նոր և «խելացի» հրթիռներ են: Դու չպետք է գազով սպանող կենդանուն (նկատի ունի Բաշար Ալ Ասադին- Factor.am) գործընկեր լինեիր, որը սպանում է սեփական ժողովրդին ու դրանից հաճույք ստանում»,- Թվիթերի իր էջում գրել էր Թրամփը:
Ապա հաջորդեց Թրամփի մեկ այլ գրառում. «Ես երբեք չեմ ասել, թե երբ կլինի Սիրիայի վրա հարձակումը: Գուցե շատ շուտով, գուցեև ոչ այնքան շուտ: Ամեն դեպքում, Միացյալ Նահանգներն, իմ վարչակազմի ներքո, մեծ աշխատանք է կատարել տարածաշրջանից ԻՊ-ին դուրս բերելու համար: Որտե՞ղ է մեր շնորհակալությունը, Ամերիկա»:
