05.03.2026 | 21:59
Հայաստանի մի շարք հասցեներում էլեկտրաէներգիայի անջատումներ կլինեն
Թուրքերի ավելի քան 60 տոկոսը չի հավատում, որ տնտեսությունն Էրդողանի ներկա կառավարության օրոք կվերականգնվի
Քաղաքականություն
28.12.2021 | 23:35
Թուրքիայի քաղաքացիների 60․3 տոկոսը չի հավատում, որ կառավարությունը կարող է տնտեսությունը կարգի բերել։ Այս մասին են վկայում հետազոտական ընկերություններից մեկի անցկացրած հարցման արդյունքները, գրում է թուրքական Cumhuriyet-ը։
Նույնիսկ իշխող «Արդարություն և զարգացում» կուսակցության ու «Ազգայնական շարժում» կուսակցության ընտրողների շատ բարձր տոկոսը կարծիք է հայտնել, թե հույս չունի, որ ներկա ղեկավարությունը կբարելավի տնտեսությունը։
Ըստ Aksoy հետազոտական ընկերության հարցման արդյունքների՝ ԱԶԿ-ի ընտրողերի 33 տոկոսը չի հավատում, որ տնտեսությունն ավելի լավ վիճակում կլինի, MHP-ի ընտրողների դեպքում այս ցուցանիշը կազմել է 44,1 տոկոս։
Գլխավոր ընդդիմադիր Ժողովրդահանրապետական կուսակցության աջակիցների դեպքում այդ ցուցանիշը 90,4 տոկոս է, քրդամետ Ժողովուրդների դեմոկրատական կուսակցության աջակիցների պարագայում՝ 94,4, իսկ İYİ (Լավ) կուսակցության համակիրների դեպքում՝ 84,8 տոկոս։
Հարցումն անցկացվել է Թուրքիայի քաղաքացիների գոյատևման պայքարի պայմաններում՝ լիրայի արժեզրկումների ու աճող ինֆլյացիայի ֆոնին։
Երկրում ստեղծված նման իրավիճակում նախագահ Ռեջեփ Թայիփ Էրդողանը մերժում է ընդդիմության՝ արտահերթ ընտրություններ անցկացնելու կոչերը՝ ասելով, որ ընտրությունները տեղի են ունենալու 2023 թվականին, իսկ իշխող կոալիցիան հաղթելու է։
Էմմա Չոբանյան
