29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ուկրաինան ԱՄՆ-ի և արևմտյան պետությունների հետ պլան «Բ» է մշակում՝ Ռուսաստանի հարձակումը զսպելու համար
Քաղաքականություն
28.12.2021 | 22:28
ԱՄՆ-ում Ուկրաինայի դեսպան Օքսանա Մարկարովան հայտարարել է, որ արևմտյան պետությունների հետ համատեղ պահեստային պլան են մշակում՝ «Ուկրաինայի վրա հարձակումից Ռուսաստանին զսպելու համար»։ Այս մասին գրում է ՏԱՍՍ գործակալությունը։
«Հիմա մենք բոլորս՝ Ուկրաինան, ԱՄՆ-ն և Արևմուտքը, աշխատում ենք «Ա» տարբերակի դիվանագիտական զսպման վրա, որպեսզի ստիպված չլինենք անցնել «Բ» տարբերակին, ինչին նույնպես ակտիվորեն պատրաստվում ենք»,- ասել է դիվանագետը։
Նա, սակայն, չի բացահայտել գործողությունների «Բ» տարբերակի մանրամասները։
Միաժամանակ, Մարկարովայի խոսքով, ԱՄՆ-ն ակտիվորեն դիմում է Ռուսաստանին՝ կենտրոնանալու հիմնական դիվանագիտական օրակարգի վրա:
«ԱՄՆ-ի և ողջ քաղաքակիրթ աշխարհի համար պատերազմը չի հանդիսանում իրադարձությունների զարգացման ցանկալի սցենար։ Միևնույն ժամանակ, կա ընկալում այն բանի, որ գոյություն ունի վտանգ Ուկրաինայի ինքնիշխանությանը, և ԱՄՆ-ն պատրաստ չէ այն զոհաբերել»,- ասել է Ուկրաինայի դեսպանը։
Էմմա Չոբանյան
