09.06.2026 | 00:17
Մարկո Ռուբիոն շնորհավորել է Փաշինյանին
ՆԱՏՕ-ի կործանիչները Եվրոպայում 2021 թվականին տագնապով օդ են բարձրացել մոտ 370 անգամ
Քաղաքականություն
28.12.2021 | 23:14
2021 թվականի ընթացքում ՆԱՏՕ-ի ռազմական ինքնաթիռները 370 անգամ ահազանգով օդ են բարձրացել։ Այս մասին ասվում է կազմակերպության պաշտոնական կայքում հրապարակված հաղորդագրության մեջ։
Ընդ որում, դեպքերի մեծ մասի պարագայում խոսքը ռուսական ռազմական ինքնաթիռներին ուղեկցության մասին է եղել։
«Որպես կանոն, խոսքը գնում էր ինքնաթիռի ստուգման մասին, որն առանց ծանուցման մոտեցել է դաշնակիցների օդային տարածքին։ Այդ առաքելությունների մոտ 80%-ը, այսինքն՝ 290 թռիչք, վերաբերել է ռուսական ռազմական ավիացիայի թռիչքներին արձագանքելուն»,- ասվում է հաղորդագրության մեջ։
Դրանում նշվում է, որ ինքնաթիռների ուղեկցման առաքելությունների մեծ մասն իրականացվել է բալթյան տարածաշրջանում։
«Որպես կանոն, ուղեկցող առաքելությունները տեղի են ունենում առանց միջադեպերի. ՆԱՏՕ-ի օդաչուներն օդ են բարձրացնում ինքնաթիռները՝ որոշելու օդային տարածքին մոտեցող ինքնաթիռի տեսակը և ուղեկցելու նրանց որոշակի տարածքից: Չափազանց քիչ թվով ուղեկցող ինքնաթիռներ են արդյունքում մուտք գործել դաշնակիցների օդային տարածք»,- փաստել են Հյուսիսատլանտյան դաշինքում։
Տաթև Ֆռանգյան
