15.12.2025 | 18:38
Արգենտինայի հավաքականը կարող է զրկվել ԱԱ-2026-ի մասնակցության իրավունքից
Չինաստանի քաղաքներից մեկում խիստ սահմանափակումներ են մտցվել COVID-19-ի տարածման պատճառով
Քաղաքականություն
28.12.2021 | 21:38
Չինաստանի Յանան քաղաքի բնակիչներին կարգադրվել է մնալ տանը՝ կորոնավիրուսի տարածման հետ կապված իրավիճակի պատճառով։ Այս մասին հայտնում է «Ինտերֆաքս»-ը։
Նշվում է, որ Յանանում, որը գտնվում է Սիան քաղաքից 300 կմ հեռավորության վրա, որտեղ ևս ավելի վաղ խիստ սահմանափակումներ էին կիրառվել COVID-19-ի պատճառով, փակվել են բոլոր ձեռնարկությունները և ընկերությունները։
Սիանում չեղյալ են հայտարարվել բոլոր ներքին չվերթները, սահմանափակվել է գնացքների և միջքաղաքային տրանսպորտային միջոցների տեղաշարժը։ Արգելվում են բոլոր հանրային միջոցառումները, իշխանությունները պահանջում են բնակիչներից դուրս չգալ տներից՝ բացառությամբ անհետաձգելի դեպքերի։
Ընտանիքում միայն մեկ անձի է թույլատրվում երկու օրը մեկ անգամ այցելել խանութ՝ մթերք և առաջին անհրաժեշտության ապրանքներ գնելու համար։
Չինաստանի իշխանությունները մտահոգված են երկրում կորոնավիրուսի տարածմամբ՝ Պեկինում կայանալիք ձմեռային օլիմպիական խաղերի ֆոնին, որոնք պետք է տեղի ունենան 2022 թվականի փետրվարի 4-ից 20-ը։
Առայժմ հայտնի է, որ աշխարհում ակտիվորեն տարածվող «օմիկրոն» շտամով վարակման յոթ դեպք է հայտնաբերվել Չինաստանում։
Դեկտեմբերի 27-ին հանրապետությունում գրանցվել է կորոնավիրուսի 209 նոր դեպք․ 27-ը ներմուծվել է արտերկրից, 182-ը գրանցվել է երկրի ներսում, որից 180-ը՝ Շենսի նահանգում։
Տաթև Ֆռանգյան
