Թուրքերի մեծ մասը հավանություն չի տալիս Էրդողանի կատարած աշխատանքին․ սոցհարցման տվյալներ

Թուրքիայի նախագահ Ռեջեփ Թայիփ Էրդողանի աշխատանքից գոհունակության ցուցանիշը դեկտեմբերին, ըստ Metropoll հետազոտական ընկերության հարցման արդյունքների, նվազել է 0,7 տոկոսային կետով։ Հարցվածների միայն 38․6 տոկոսն է ասել, որ հավանություն է տալիս նախագահի պարտականությունների կատարմանը, գրում է «Ահվալ» գործակալությունը։

Հարցվածների ավելի քան 57 տոկոսն ասել է, որ հավանություն չի տալիս, թե ինչպես է Թուրքիայի առաջնորդը կատարում նախագահի պարտականությունները։

Այս հետազոտությունն անցկացվում է այն ժամանակ, երբ Թուրքիան պայքարում է հիվանդ տնտեսության և անկայուն արժույթի հետ, որը պատմական արժեզրկում էր գրանցել՝ հասնելով մեկ դոլարի նկատմամբ մինչև 18,4 լիրայի՝ Էրդողանի կողմից տոկոսադրույքների կրճատման պատճառով։ Երկրում գնաճն էլ, ըստ պաշտոնական տվյալների, հասել է 21 տոկոսի:

Ընդդիմադիր Ժողովրդահանրապետական կուսակցության համակիրների 95 տոկոսը հայտարարել է, որ հավանություն չի տալիս Էրդողանի աշխատանքին, որին հաջորդում են քրդամետ Ժողովուրդների դեմոկրատական կուսակցության կողմնակիցների 93,3 տոկոսը և աջ կենտրոնամետ ազգայնական «Լավ» կուսակցության աջակիցների 89,8 տոկոսը։

Մինչդեռ, իշխող «Արդարություն և զարգացում» կուսակցության աջակիցների միայն չորս տոկոսն է ասել, որ հավանություն չի տալիս Թուրքիայի ղեկավարի՝ երկիրը ղեկավարելու ճանապարհին, մինչդեռ ԱԶԿ-ի կոալիցիոն կրտսեր գործընկեր «Ազգայնական շարժում» ծայրահեղ աջ կուսակցության կողմնակիցների համար այս ցուցանիշը կազմում է 30,6 տոկոս։

Ըստ Metropoll-ի՝ Էրդողանը վերջին անգամ նման ցածր վարկանիշ ունեցել է 2015 թվականի համապետական ընտրությունների ժամանակ։

Էմմա Չոբանյան