16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Դավիթ Տոնոյանը կմնա կալանքի տակ. վերաքննիչ բողոքը մերժվեց
Հասարակություն
24.12.2021 | 19:54
Վերաքննիչ քրեական դատարանը՝ Տիգրան Սիմոնյանի նախագահությամբ, քննելով պաշտպանության նախկին նախարար Դավիթ Տոնոյանի պաշտպանական կողմի՝ կալանքի տակ պահելու ժամկետը 2 ամսով երկարացնելու որոշման դեմ բողոքը, որոշում է կայացրել մերժել այն։ Դավիթ Տոնոյանը կշարունակի մնալ կալանքի տակ։
Հիշեցնենք՝ Դավիթ Տոնոյանը երկու ամսով կալանավորվեց սեպտեմբերի 30-ին՝ Մնացական Մարտիրոսյանի որոշմամբ և տեղափոխվեց «Երևան-Կենտրոն» քրեակատարողական հիմնարկ։
Ըստ Ազգային անվտանգության ծառայության՝ 2018-ից 2020 թվականները պաշտպանության նախարարի պաշտոնը զբաղեցրած Դավիթ Տոնոյանը որպես մեղադրյալ է ներգրավվել շուրջ 4.7 մլն դոլար հափշտակելու և կեղծիքներ, հանրորեն վտանգավոր արարքներ կատարելու համար։ Նույն գործով մեղադրյալ է նաև բանակին զինամթերք մատակարարած ընկերության տնօրեն՝ Պատրոն Դավո մականունով հայտնի Դավիթ Գալստյանը։ Առաջադրված հանցանքներում մեղադրյալներն իրենց մեղավոր չեն ճանաչում, պնդելով, որ դրանք անհիմն են։
Ռոզա Վարդանյան
