29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Իսրայելը COVID-19-ը բուժող դեղամիջոց է ստեղծել․ փորձարկումների 1-ին փուլը 100 տոկոսանոց արդյունավետություն է ցույց տվել․ The Jerusalem Post
Քաղաքականություն
24.12.2021 | 22:25
Իսրայելցի գիտնականները կորոնավիրուսի դեմ Amor-18 դեղամիջոցի կլինիկական փորձարկումներ են անցկացրել։ Բոլոր 18 մարդիկ, որոնց մասնակցությամբ փորձարկվել է դեղամիջոցը, ապաքինվել են, հայտնում է The Jerusalem Post-ը:
Սա Amorphical կենսատեխնոլոգիական ընկերության դեղամիջոցն է, որը փորձարկվել է Ցֆատեի Զիվ բժշկական կենտրոնում։
«Բոլոր 18 հոսպիտալացված անձինք, որոնք անցել են իսրայելական կենսատեխնոլոգիական Amorphical ընկերության կողմից երկրորդ փուլի ուսումնասիրությունների արդյունքում ստացած բուժումը, ապաքինվել են և մի քանի օր հետո դուրս գրվել», – ասվում է հաղորդագրության մեջ:
Ընդգծվում է, որ փորձարկումն իրականացվել է ինչպես թեթև ախտանշաններով, այնպես էլ հիվանդության ծանր ընթացք ունեցող հիվանդների վրա։ Բացի այդ, դեղամիջոցը ստացել են երկու ծայրահեղ ծանր հիվանդներ, որոնք նույնպես ապաքինվել ու դուրս են գրվել հիվանդանոցից։
«Քանի որ դեղամիջոցը ստացած հիվանդներն ապաքինվել և մի քանի օրվա ընթացքում դուրս են գրվել հիվանդանոցից, փորձարկումը 100%-ով հաջող է անցել»,- ասվում է զեկույցում։
Նոր՝ Amor-18 դեղամիջոցի հիմնական բաղադրիչը ամորֆ կալցիումի կարբոնատն է (ACC)։ Amorphical ընկերությունից պարզաբանել են, որ ACC-ն կարող է կարգավորել յուրաքանչյուր բջիջի շուրջ pH թթվային փոփոխությունները։ Նման արդյունքը թույլ է տալիս դեղամիջոցին՝ կանխել վիրուսի տարածումը, ինչպես նաև հիվանդի վիճակի վատթարացումը։
Տաթև Ֆռանգյան
