24.04.2026 | 22:50
Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը. Փելոսի
Բացահայտվել է Թուրքիայի իշխանությունների՝ լիրան փրկելու ռիսկային ծրագիրը․ աղբյուր
Քաղաքականություն
23.12.2021 | 22:20
Թուրքիայի Ֆինանսների նախարարությունը լիրան փրկելու հավակնոտ, սակայն ռիսկային ծրագիր է մշակել, որի մանրամասները բացահայտել է Reuters գործակալությունը, փոխանցում է Lenta.ru-ն։
Դրա գործարկման համար իշխանությունները սահմանել են «կարմիր գիծ»՝ մեկ դոլարի դիմաց 18 լիրայի աբսուրդային շեմը։ Այս մասին գործակալությանը հայտնել է իրավիճակին ծանոթ չորս աղբյուր։ Պաշտոնյաները գտնում են, որ թուրքական լիրայի՝ դրանից ավելի արժեզրկումը տնտեսության համար վնասակար կլինի, որը դժվար կլինի վերականգնել։
Փորձագետներն էլ այս պլանը ռիսկային են համարում, քանի որ այն կարող է հանգեցնել գնաճի և լրջագույն ծախսերով է սպառնում։
Ավելի վաղ Թուրքիայի նախագահ Ռեջեփ Թայիփ Էրդողանը կոչ էր արել երկրի քաղաքացիներին թուրքական լիրայով պահել ավանդները, այլ ոչ դոլարով։ Նա խոստացել է, որ արդեն մի քանի ամսից գնաճը նվազելու է, իսկ լիրայի փոխարժեքը՝ աճելու։ Նման քաղաքականության աջակցման համար կառավարությունը փոխելու է դեպոզիտների կանոնները։ Խոսքը բանկի հաճախորդների կրած վնասների փոխհատուցման մասին է, եթե նրանց ավանդի տոկոսադրույքը չծածկի դոլարի նկատմամբ լիրայի փոխարժեքի անկումը։
Գործակալությունը գրում է, որ դա պլանի մի մասն է, որն այս պահին աշխատեց։ Իշխանությունները հույս ունեն, որ ազգային արժույթը կամրապնդվի դոլարի նկատմամբ, սակայն, միաժամանակ, կանխատեսում, որ դեռևս մի քանի ամիս փոխարժեքը մնալու է 12-14 լիրայի սահմաններում։
Էմմա Չոբանյան
