11.10.2026 | 11:22
Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի
Պուտինն առաջարկել է դառնալ Ձմեռ պապի փաստաբանը
Քաղաքականություն
23.12.2021 | 22:58
ՌԴ նախագահ Վլադիմիր Պուտինը հայտարարել է, որ պատրաստ է Վելիկի Ուստյուգից Ձմեռ պապի փաստաբանը դառնալ, ինչպես նաև խոսել է նրա հետ հարաբերությունների մասին։ ՌԴ ղեկավարը երկրի բոլոր ռուսաստանցիներին խորհուրդ է տվել ավելի հաճախ հիշել «լավ հումորի» անհրաժեշտության մասին, գրում է ՏԱՍՍ-ը։
Ամենամյա ասուլիսի ժամանակ Վոլոգդայի մարզի թերթերից մեկի ներկայացուցիչը դիմել է Պուտինին՝ պատմելով, որ Սանկտ Պետերբուրգից մի փաստաբան դատի է տվել Վելիկի Ուստյուգից Ձմեռ պապին, քանի որ «նա 23 տարի շարունակ չի կատարել իր ցանկությունները»։
«Սանկտ Պետերբուրգից այդ փաստաբանը հասուն մարդ է։ Ես էլ եմ փաստաբան և Սանկտ-Պետերբուրգից եմ, մենք ինչ-որ նմանություն ունենք։ Այս դեպքում ես այսպես կպատասխանեի․ քանի որ ես էլ եմ փաստաբան, կարող եմ դառնալ Ձմեռ պապի փաստաբանը և հիշեցնել հայցվորին, որ Ձմեռ պապը կատարում է միայն լավ տղաների ու աղջիկների ցանկությունները։ Թող նա վերլուծի իր պահվածքը և, միգուցե, կգտնի այն, ինչը խանգարում է Ձմեռ պապին իրեն նվեր տալ»,- ասել է Պուտինը։
Հարցին՝ արդյո՞ք Ձմեռ պապը կատարում է իր ցանկությունները, Պուտինը պատասխանել է․ «Իմ հարաբերությունները Ձմեռ պապի հետ մինչ այս պահը բարենպաստ կերպով են կառուցվել, և ես շնորհակալ եմ, որ կարող եմ ձեզ հետ այսօր հանդիպել այն կարգավիճակով, որում կամ»։
Տաթև Ֆռանգյան
