02.05.2024 | 12:04
Եթե տրամպլինի տրամաբանությամբ նայենք, մեր տնտեսվարողները հենց թռնելու պահը գալիս է, արգելակում են․ ՏԵՍԱՆՅՈՒԹ
Լիլիթ Պիպոյանը վայր է դրել Երևանի ավագանու անդամի մանդատը
Քաղաքականություն
22.12.2021 | 22:33
Երեւանի ավագանու «Իմ քայլը» խմբակցության անդամ Լիլիթ Պիպոյանը վայր է դրել մանդատը։ Այդ մասին նա հայտնել է իր ֆեյսբուքյան էջում կատարած գրառմամբ։
«Սիրելի համաքաղաքացիներ, հայտնում եմ, որ Երևանի ավագանու անդամի մանդատս վայր եմ դնում, որովհետև.
1. Չցանկացա մաս կազմել քաղաքապետին անվստահություն հայտնելու գործընթացի;
2. Բողոք և անհամաձայնություն ունեմ ավագանու ինստիտուտի նկատմամբ իսկ, որը պետք է անպայման ենթարկվի հիմնավոր բարեփոխումների` ճշմարիտ քաղաքային իշխանություն դառնալու համար, որպիսին այն բնավ չէ հիմա: Այն պետք է դառնա պրոֆեսիոնալ օրենսդիր մարմին Երևան քաղաքի համար: Ցավոք, օդում առկախ մնաց քաղաքապետարանում Մոնումենտալ արվեստի խորհուրդ ստեղծելու իմ առաջարկը, որի համար բավականին նախապատրաստական աշխատանք էի կատարել վերջին ամիսների ընթացքում, բայց այն` լիովին ձևակերպած, կհանձնեմ մշակութային գծով քաղաքապետի տեղակալին հույսով, որ կյանքի կկոչվի:»,-գրել է Պիպոյանը։
Հիշեցնենք, որ այսօր Երևանի ավագանու արտահերթ նիստում «Իմ քայլը» խմբակցությունն անվստահություն է հայտնել քաղաքապետ Հայկ Մարությանին։ Վերջինիս պաշտոնանկությունից հետո այդ պաշտոնն անցավ մինչ այս քաղաքապետի առաջին տեղակալի պարտականությունները կատարող Հրաչյա Սարգսյանին։
