22.08.2026 | 16:42
Իրաքից տաք օդի ալիք է ներթափանցում. ջերմաստիճանը կհասնի +40 աստիճանի
Շրի Լանկան առաջարկել է Իրանին նավթի պարտքը փակել թեյով
Քաղաքականություն
22.12.2021 | 22:17
Շրի Լանկայի իշխանություններն Իրանին առաջարկել են մատակարարված նավթի պարտքը մարել թեյով։ Այս մասին գրում է BBC News-ը՝ հղում կատարելով հանրապետության պլանտացիաների նախարար Ռամեշ Փաթիրանին։
Շրի Լանկայի՝ Իրանին նավթի դիմաց պարտքը կազմում է մոտ 251 մլն դոլար, սակայն մարման հետ կապված խնդիրներ կային երկու պատճառով. նախ՝ Իրանի դեմ միջազգային պատժամիջոցները, որոնց պատճառով անհնար է ուղղակի պարտքի չափը փոխանցել իրանական բանկերի միջոցով։ Իսկ թեյը ՄԱԿ-ի կողմից դասակարգվում է որպես պարտադիր ապրանք, և դրա արտահանումը Իրան չի խախտի որևէ միջազգային օրենք:
Երկրորդ, Շրի Լանկան համավարակի պայմաններում բախվում է պարտքային և արժութային ծանր ճգնաժամի, որը սրվել է զբոսաշրջության ոլորտի եկամուտների նվազմամբ: Իսկ թեյի, այլ ոչ թե դոլարով հաշվարկը երկրին թույլ կտար խնայել այդքան անհրաժեշտ արտարժույթը։
Շրի Լանկան առաջարկում է մի քանի տարվա ընթացքում մարել 251 միլիոն դոլարի պարտքը՝ ամեն ամիս Իրան ուղարկելով 5 միլիոն դոլարի թեյ։
Երկիրը տարեկան արտադրում է մոտ 340 մլն կգ թեյ։ 2020 թվականին Շրի Լանկան արտահանել է 265,5 մլն կգ թեյ, իսկ եկամուտը կազմել է 1,24 մլրդ դոլար։
Տաթև Ֆռանգյան
