15.12.2024 | 20:28
Վարազդատ Լալայանը՝ ծանրամարտի աշխարհի չեմպիոն. Armsport.am
Էրդողանը փորձում է հետ բերել ընտրողներին, որոնք տնտեսական ճգնաժամի պատճառով երես են թեքել իր կուսակցությունից
Քաղաքականություն
22.12.2021 | 14:17
Թուրքական MetroPoll հետազոտական ընկերության ղեկավար Օզեր Սենջարը հայտարարել է, որ երկրի նախագահ Ռեջեփ Թայիփ Էրդողանը փորձում է հետ բերել ընտրողներին, որոնք տնտեսական ճգնաժամի հետևանքով դադարել են աջակցել իշխող «Արդարություն և զարգացում» կուսակցությանը, գրում է Duvar-ը։
Սենջարն ասել է, որ ԱԶԿ-ի աջակցությունը 11 տոկոսով նվազել է՝ 2018 թվականի ընտրությունների համեմատ։
Ըստ Սենջարի՝ այդ 11 տոկոսից 9-ը մնում են ընտրողները, որոնք հեռացել են ԱԶԿ-ից, սակայն մնում են չկողմնորոշված։
«Այս մարդիկ մյուս կուսակցություններին չեն աջակցում։ Միայն երկու տոկոսն է սկսել մյուսներին աջակցել։ Կասկած չունեմ, որ այս ընտրողներից շատերը կշարունակեն աջակցել ԱԶԿ-ին, եթե Էրդողանը նրանց տնտեսական որոշակի օգնություն տա, Էրդողանն էլ դա շատ լավ գիտի»,- ասել է MetroPoll-ի ղեկավարը՝ մեկնաբանելով Էրդողանի հայտարարած միջոցառումները թուրքական լիրան կայունացնելու համար։
«Էրդողանը կիրականացնի տնտեսական քաղաքականություն՝ ընտրություններում աջակցություն ստանալու համար։ Նա կփորձի մարդկանց հետ բերել։ Մենք չգիտենք՝ այդ քաղաքականությունն ինչ չափով է լինելու»,- հավելել է նա։
Նշելով, որ կառավարությունը շարունակում է հիշատակել աշխատավարձերի բարձրացումը, Սենջարն ասել է, որ մարդիկ, որոնք այլևս չեն ցանկանում ընտրել ԱԶԿ-ին, չեն լքել կուսակցությանը ազատությունների և ժողովրդավարության կտրուկ անկման պատճառով:
«Այդ մարդիկ լքել են ԱԶԿ-ն, քանի որ այն չկարողացավ տնտեսությունը լավ կառավարել»,- եզրափակել է նա։
Էմմա Չոբանյան
