17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ջո Բայդենն ուղերձով դիմել է ամերիկացիներին․ «օմիկրոն» շտամը գերիշխող է դարձել ԱՄՆ-ում
Քաղաքականություն
22.12.2021 | 14:52
Կորոնավիրուսի «օմիկրոն» շտամը, որն արագորեն տարածվում է ամբողջ աշխարհում, գերիշխող է դարձել Միացյալ Նահանգներում և մտահոգություն է առաջացնում, սակայն իշխանությունները չեն նախատեսում կոշտ սահմանափակումներ կիրառել, քանի որ երկիրը պատրաստ է հիվանդացության նոր աճին: Այս մասին հայտարարել է ԱՄՆ նախագահ Ջո Բայդենը ժողովրդին ուղղված ուղերձում։
«Սա 2020 թվականի մարտը չէ: Մենք պատրաստ ենք և գիտենք [վիրուսի մասին] ավելին»,- ասել է նա:
Բայդենը հիշեցրել է, որ ամբողջ երկրում տեղակայվել են վերապատվաստումների կետեր, և կոչ է արել ամերիկացիներին՝ խթանիչ պատվաստում ստանալ: Դիմելով չպատվաստված մարդկանց՝ նա հայտարարել է, որ նրանք ընտրություն են կատարում կյանքի և մահվան միջև։
«Դուք կարծում եք, որ վտանգի տակ եք դնում միայն ձեր կյանքը, որ դա ձեր ընտրությունն է։ Բայց դա ազդում է նաև ուրիշների կյանքի վրա։ Դուք վտանգում եք ձեր մտերիմներին, ընկերներին, հարևաններին, օտարներին»,- ասել է ԱՄՆ նախագահը։
Բայդենը նաև հայտարարել է, որ իշխանությունները կգնեն 500 միլիոն էքսպրես թեստեր, որոնք կարելի է անվճար պատվիրել հունվարին, ինչպես նաև հայտարարել է հազարավոր ռազմական բժիշկների ամերիկյան հիվանդանոցներ ուղարկելու մասին՝ ամենաբարդ իրավիճակում գտնվող շրջաններում լրացուցիչ հիվանդանոցային մահճակալների և անհրաժեշտ ռեսուրսների սպասարկման համար։
Մանրամասները՝ տեսանյութում։
Booster shots provide the strongest protection against the Omicron variant. That’s why I got my booster—and encourage everyone who’s eligible to do so as well. pic.twitter.com/7sEoXNjr9D
— Joe Biden (@JoeBiden) December 22, 2021
