11.10.2026 | 11:03
Երևանում վիճաբանության ժամանակ հրազեն է գործի դրվել․ կա երեք վիրավոր
Ճգնաժամը կշարունակվի․ ըստ տնտեսագետների՝ Էրդողանի նոր ծրագիրը ենթադրում է տոկոսադրույքների քողարկված բարձրացում
Քաղաքականություն
21.12.2021 | 23:55
Տնտեսագետները հայտարարում են, որ դեկտեմբերի 20-ին Թուրքիայի նախագահ Ռեջեփ Թայիփ Էրդողանի կողմից հայտարարված հակադոլարիզացիայի նոր ծրագիրն իրականում նշանակում է տոկոսադրույքի բարձրացում, գրում է Duvar-ը։
Նախօրեին կառավարության նիստից հետո Էրդողանը ներկայացրել էր նոր ծրագիրը, որը երաշխավորելու է տեղական արժույթով ավադները շուկայի տատանումներից։ Նա նաև ասել է, որ քայլեր են ձեռնարկվելու՝ թեթևացնելու վերջին մի քանի շաբաթների արժույթի անկումից առաջացած բեռը և խրախուսելու թուրքերին՝ խնայողությունները պահել լիրայով, ոչ թե դոլարով։
Այս հայտարարություններից հետո թուրքական լիրան սկսեց կայունանալ։
Տնտեսագետները մեկնաբանել են այս հայտարարությունները՝ նշելով, որ իրականում դրանք նշանակում են տոկոսադրույքների բարձրացում։
«Նրանք հետ գնացին իրենց քաղաքականությունից՝ չասելով, որ արել են։ Տեսան, որ իրենց տնտեսական մոդելը տանում է դեպի փակուղի: Սա տոկոսադրույքի բարձրացում է: «Արդարություն և զարգացում» կուսակցությունը շրջադարձ կատարեց իր քաղաքականությունից»,- ասել է Կենտրոնական բանկի նախկին նախագահ Դուրմուշ Յըլմազը։
Նա նշել է, որ Էրդողանն ու իշխող ԱԶԿ-ն հիմա կարող են ասել, որ լիրան կայունացել է։
«Նրանք կարող են ասել, որ իջեցրել են տոկոսադրույքները, իսկ լիրան արժևորվել է, կտեսնենք՝ մարդիկ կընդունեն այդ փաստարկը»,- ասել Յըլմազը։
Քադիր Հաս համալսարանից տնտեսագետ Էրինչ Յելդանն էլ հարցրել է, թե ինչո՞ւ է Կենտրոնական բանկն իջեցրել տոկոսադրույքը, եթե դա այն ճանապարհն էր, որով պետք է գնալ:
«Եթե փոխարժեքի և ավանդների տարբերությունը վճարելու է պետությունը, դա նշանակում է, որ տոկոսադրույքը կբարձրանա շուկայական պայմաններին համապատասխան, ինչո՞ւ է Կենտրոնական բանկը իջեցրել տոկոսադրույքները»,-ասել է նա։
Մեկ այլ տնտեսագետ Յալչըն Քարաթափեն էլ ասել է, որ սա քողարկված տոկոսադրույքի բարձրացում է։
«Շատ մի՛ ոգևորվեք»,- նշել է նա:
Էմմա Չոբանյան
