22.08.2026 | 18:55
Ozon-ի վրա առաջին հարձակումն է տեղի ունեցել․ Զելենսկին մեկնաբանել է
Ռուսական պատվիրակությունը Իրանի և Թուրքիայի հետ քննարկել է Սիրիայում հրադադարի պահպանման հարցը
Քաղաքականություն
21.12.2021 | 23:31
Ռուսաստանի պատվիրակությունը Ղազախստանի մայրաքաղաքում Իրանի և Թուրքիայի գործընկերների հետ քննարկել է Սիրիայում հրադադարի պահպանման ռեժիմի կոնկրետ քայլերը։ Այս մասին լրագրողներին հայտնել է ՌԴ նախագահի՝ Սիրիայի հարցերով հատուկ ներկայացուցիչ Ալեքսանդր Լավրենտևը, գրում է ՏԱՍՍ-ը։
«Մենք բանակցություններ ունեցանք թուրքական պատվիրակության հետ, դրանից առաջ էլ բանակցություններ էին անցկացվել իրանական պատվիրակության հետ։ Բոլոր հարցերի շուրջ շատ կառուցողական խոսեցինք»,- ասել է նա։
Լավրենտևի խոսքով՝ քննարկվել է իրավիճակի կայունացումը՝ նորմալ հրադադարի հասնելու համար։
«Դա վերաբերվում է և՛ Իդլիբին, և՛ հարավին, ինչպես նաև Սիրիայի հյուսիսին թուրք-սիրիական սահմանի շրջանում, որտեղ վերջին ժամանակներում ինտենսիվ ռազմական գործողություններ են նկատվում»,- ասել է ՌԴ նախագահի ներկայացուցիչը։
Նա հավելել է, որ Աստանայի գործընթացի երաշխավորներն այլընտրանք չեն տեսնում Սիրիայի սահմանադրական կոմիտեի աշխատանքին և մտադիր են նրան ամեն տեսակի աջակցություն ցուցաբերել։
Դեկտեմբերի 21-22-ը Ղազախստանի մայրաքաղաքում անցկացվում է Աստանայի ձևաչափով Սիրիայի հարցով 17-րդ միջազգային հանդիպումը։
Էմմա Չոբանյան
