22.08.2026 | 18:55
Ozon-ի վրա առաջին հարձակումն է տեղի ունեցել․ Զելենսկին մեկնաբանել է
Թուրքերի կեսից ավելին Էրդողանի նոր մոդելի տնտեսական քաղաքականությունը սխալ է համարում․ սոցհարցում
Քաղաքականություն
21.12.2021 | 23:12
Թուրքերի 57 տոկոսը կարծում է, որ նախագահ Ռեջեփ Թահիփ Էրդողանի նոր տնտեսական մոդելը սխալ է՝ ըստ Türkiye Raporu ընկերության վերջին սոցհարցման տվյալների, գրում է «Ահվալ» գործակալությունը։
Նշվում է, որ իշխող «Արդարություն և զարգացում» կուսակցության ընտրողների 11 տոկոսը ու նրա կոալիցիոն դաշնակից, ծայրահեղ աջ «Ազգայնական շարժում» կուսակցության (MHP) ընտրողների 19 տոկոսը հարցվածների թվում են, որոնք համաձայն չեն Էրդողանի ցածր տոկոսադրույքների քաղաքականությանը։ Ընդհանուր առմամբ, հարցվածների 57 տոկոսն ասել է, որ համաձայն չէ տեսակետին, որ արտաքին ուժերը հարձակվել են թուրքական տնտեսության վրա։
Էրդողանի տնտեսության կառավարումը, որը ներառում է Կենտրոնական բանկին վերջին չորս ամիսների ընթացքում տոկոսադրույքները նվազեցնելու հրամանը, նույնիսկ այն դեպքում, երբ նոյեմբերին սպառողական գների գնաճը հասել է 21,3 տոկոսի, խարխլել է ներդրողների վստահությունը Թուրքիայի նկատմամբ և վնասել նրա կառավարության ժողովրդականությանը։
Նշենք, որ նախօրեին էլ թուրքական լիրան արժեզրկման հերթական ռեկորդն էր գրանցել՝ գերազանցելով մեկ դոլարի դիմաց 17, հետո նաև՝ 18 լիրայի շեմը։ Սակայն Էրդողանի՝ հակադոլարիզացիայի ծրագրի մասին հայտարարությունից հետո լիրան սկսեց կայունանալ։
Էմմա Չոբանյան
