16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՌԴ-ում ձերբակալել են երկու թուրք լրագրողի՝ լրտեսության մեղադրանքով
Քաղաքականություն
21.12.2021 | 22:12
Թուրքական GZT լրատվամիջոցի խմբագիրներ Նազգյուլ Քենժեթայն ու Էմին Քարաչաքը նկարահանումներ իրականացնելիս ձերբակալվել են Ռուսաստանի իրավապահ մարմինների կողմից, գրում է «Անադոլու» գործակալությունը։
Քենժեթայն ու Քարաչակը վավերագրական ֆիլմ են նկարահանել Ռուսաստանում թուրքական համայնքների մասին և ձերբակալվել Խակասիայի Հանրապետության ծայրահեղականության դեմ պայքարի բաժնի կողմից այն հյուրանոցի դիմաց, որտեղ նրանք իջևանել են:
Լրագրողների իրերն առգրավվել են, նրանց նկարահանած բոլոր նյութերը՝ ոչնչացվել, իսկ հենց ձերբակալվածներին առաջադրվել է լրտեսության մեղադրանք։ Այնուհետև թուրք լրագրողներին տարել են Խակասիայի մայրաքաղաք Աբականեի ժամանակավոր պահման կենտրոն։ Լրագրողներին հայտնել են, որ 10-օրյա կալանքից հետո նրանց արտաքսելու են։
Քենժեթայը և Քարաչաքը, սակայն, հայտնել են, որ իշխանությունները ձգձգում են գործընթացը՝ իրենց կալանքը երկարացնելու համար։ Նրանք նաև բողոքել են պահման պայմաններից՝ նշելով, որ խցերը չեն տաքացվում, ինչի պատճառով կարող են հիվանդանալ, չկա տաք ջուր, հեռախոսներն էլ վերահսկվում են։
Թուրք լրագրողներին ավելի վաղ ձերբակալել են նաև Յակուտիայում և Ալթայում, սակայն տուգանքի վճարումից հետո ազատ են արձակել։
Էմմա Չոբանյան
