30.03.2026 | 23:48
Բայրամովն ու Արաղչին հեռախոսազրույց են ունեցել
Նոր սահմանափակումներ և բողոքի նոր ալիք, իսկ օմիկրոնը շարունակում է տարածվել․ «Ամերիկայի ձայն»
Քաղաքականություն
20.12.2021 | 23:14
Բնակչության մի հատվածը բողոքում է պատվաստումների պարտադրանքի դեմ: Լոնդոնում նրանց կողմից անցկացված ցույցերը վերածվել են բռնության:
«Ամերիկայի ձայն»-ի հաղորդմամբ՝ մոտ հինգ հազարանոց ամբոխից ցուցարարները շրջապատել են ոստիկաններին խորհրդարանի հրապարակի մոտ: Ոմանք կրում էին ցուցանակներ, որոնց վրա գրված էր՝ «Ո՛չ հարկադիր պատվաստումներին» և «Այս ամենը ստի մի փաթեթ է»:
Ինչպես Լոնդոնի քաղաքապետ Սադիք Խանն է ասել, իշխանություններին շատ է անհանգստացնում omicron ենթատեսակի հսկայական աճը: «Վերջին 24 ժամվա ընթացքում մենք ունեցել ենք ամենաշմեծ թվով նոր դեպքերը համաճարակի սկսվելուց ի վեր՝ ավելի քան 26,000», ասել է նա:
Սահմանափակումների հերթական խստացման պատճառով բողոքի ակցիաներ են տեղի ունեցել
եվրոպական այլ խոշոր քաղաքներում, ինչպիսիք են Բարսելոնն ու Փարիզը: Նիդեռլանդներում հայտարարվել է ամբողջական արգելափակման մասին:
Կիրակի օրն ԱՄՆ-ի նախագահ Ջո Բայդենի գլխավոր բժշկական խորհրդական դոկտոր Էնթոնի Ֆաուչին ABC-ի «Այս շաբաթ» ծրագրին տված հարցազրույցում ասել է, որ մոտավորապես 50 միլիոն չպատվաստված ամերիկացիները կարող են ծանր բեռ դառնալ վիրուսից հյուծված առողջապահական համակարգի համար:
«Շատ հավանական է, որ երկրի որոշ հատվածներում հիվանդանոցները չբավականացնեն», ասել է նա ու շեշտել այն հանգամանքը, որ «առողջապահական աշխատողներն արդեն ուժասպառ են լինում»։
Կենտրոնական Անգլիայի New Cross հիվանդանոցի անձնակազմը նույն մտահոգությունն ունի:
Ինչպես բուժքույրերն են ասում SKY հեռուսակայանին.
«Սկզբում բոլորը լի էին էներգիայով։ Ժամանակի հետ թվում է, որ այս ամենը վերջ չունի»:
New Cross-ի որոշ հիվանդներ լիովին պատվաստված են, ինչը վկայում է օմիկրոնի արագ տարածման հանգամանքի մասին:
Միացյալ Թագավորությունն անցած ուրբաթ օրը սահմանեց երրորդ ռեկորդը, երբ գրանցվեց վարակի ավելի քան 93,000 դեպք: Նյու Յորք քաղաքը հաղորդում է մեկ օրվա ընթացքում հունվար ամսից գրանցած իր ամենաբարձր թիվը: Մեկ օրվա ընթացքում այստեղ հաստատվել է նոր 21,000 դեպք:
