Քաղաքականություն
20.12.2021 | 22:46
Չիլիում նախկին ուսանողական առաջնորդ Գաբրիել Բորիչն ընտրվել է երկրի նոր նախագահ։ Դեկտեմբերի 19-ին տեղի ունեցած ընտրությունների երկրորդ փուլում «Աբրուեբո Դիգնիդադ» (Ես ընտրում եմ արժանապատվությունը) դաշինքի 35-ամյա թեկնածուն հավաքել է ձայների գրեթե 56 տոկոսը և դարձել Չիլիի պատմության ամենաերիտասարդ նախագահը, գրում է DW-ի ռուսական ծառայությունը։
Նրա մրցակից, աջ պոպուլիստ, ծնունդով գերմանացի Անտոնիո Քաստը հավաքել է ձայների 44 տոկոսը: Նա ընդունել է պարտությունը և շնորհավորել Բորիչին հաղթանակի կապակցությամբ։
Չիլիի նախագահական ընտրությունները, մրցակիցների միջև հսկայական քաղաքական տարաձայնությունների պատճառով, շատերի համար դարձել էին ամենակարևորը 1990 թվականից ի վեր, երբ երկիրը վերադարձավ ժողովրդավարության:
Բորիչը 2011 թվականին ղեկավարել է ուսանողական բողոքի ցույցերը Չիլիում: 2013 թվականին նա ընտրվել էր պատգամավոր։ Չորս շաբաթ առաջ կայացած ընտրությունների առաջին փուլում Բորիչը փոքր-ինչ զիջել էր Կաստային՝ զբաղեցնելով երկրորդ տեղը։
Տաթև Ֆռանգյան
