Քաղաքականություն
20.12.2021 | 15:00
Իսլամական հեղափոխության պահապանների կորպուսի ուժերը երկուշաբթի Պարսից ծոցի ափերին սկսել են «Մեծ մարգարե 17» հնգօրյա զորավարժությունները: Այս մասին հայտնում է IRNA գործակալությունը։
Նշվում է, որ զորավարժություններին մասնակցում են Իսլամական հեղափոխության պահապանների կորպուսի ցամաքային, ռազմածովային և օդային ուժերը, ինչպես նաև «Բասիջ» աշխարհազորայինների մի մասը: Զորավարժություններն անցկացվում են Խուզեստան, Բուշեհր և Հորմոզգան նահանգներում։
Ավելի վաղ իրանական լրատվամիջոցները հայտնել էին երկուշաբթի Բուշերի ատոմակայանի տարածքում հակաօդային պաշտպանության ուժերի մարտական պատրաստվածության ստուգման մեկնարկի մասին։
Տաթև Ֆռանգյան
