22.08.2026 | 18:55
Ozon-ի վրա առաջին հարձակումն է տեղի ունեցել․ Զելենսկին մեկնաբանել է
Ճապոնացի տիեզերագնաց զբոսաշրջիկները վերադարձել են Երկիր
Քաղաքականություն
20.12.2021 | 23:30
«Սոյուզ ՄՍ-20» տիեզերանավի իջնող սարքավորումը ճապոնացի տիեզերական զբոսաշրջիկներ Յսակա Մաեզավայի ու Յոձո Հիրանոյի, ինչպես նաև տիեզերագնաց Ալեքսանդր Միսուրկինի հետ այսօր առավոտյան վայրէջք է կատարել Ղազախստանի տարածքում դաշտերից մեկում, գրում է BBC-ի ռուսական ծառայությունը։
Տիեզերանավը Միջազգային տիեզերակայանից հեռացել է կեսգիշերին, մի քանի ժամ անց միացրել արգելակման շարժիչները, կիսվել մասերի ու մտել մթնոլորտի խիտ շերտեր։
Մաեզավան ճապոնացի միլիարդատեր է, իսկ Հիրանոն՝ նրա բիզնես գործընկերը։ Նրանք վերջին 12 տարվա ընթացքում դարձել են առաջին զբոսաշրջիկները, որոնք «Սոյուզ»-ով հասել են Միջազգային տիեզերակայան:
Ընդհանուր առմամբ, նրանք ուղեծրում անցկացրել են երկու շաբաթից մի փոքր պակաս: Մաեզավան միջազգային տիեզերակայանից տեսանյութեր է հրապարակել YouTube-ի իր ալիքում:
Տաթև Ֆռանգյան
