18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Ռուսաստանը պաշտոնապես դուրս եկավ «Բաց երկնքի մասին» պայմանագրից
Քաղաքականություն
18.12.2021 | 12:18
Ռուսաստանի Դաշնությունը շաբաթ օրը՝ դեկտեմբերի 18-ին, պաշտոնապես լքեց «Բաց երկնքի մասին» պայմանագրի մասնակից երկրների խումբը՝ կասեցնելով համաձայնագրով նախատեսված իր պարտավորությունների կատարումը. գրում է ՏԱՍՍ-ը:
Պայմանագիրը, որին Մոսկվան միացել է մոտ 20 տարի առաջ, երկար ժամանակ կարևոր դեր է խաղացել անվտանգության ոլորտում վստահության ամրապնդմանը, քանի որ դրա մասնակիցներին իրավունք է տվել թռչել միմյանց տարածքներով՝ դիտարկելու ռազմական գործողությունները։
Ե՛վ Ռուսաստանի Դաշնության, և՛ նրա արևմտյան գործընկերների փորձերը՝ համոզելու ամերիկացիներին վերադառնալ«Բաց երկնքի մասին» պայմանագրի իրականացմանը, հաջողությամբ չեն պսակվել:
Հիշեցնենք, որ ԱՄՆ-ը վերոնշայլ պայմանագրից դուրս էր եկել 2020 թ. նոյեմբերին:
Արդյունքում հունիսի 18-ին ուժի մեջ է մտել Ռուսաստանի կողմից համաձայնագիրը չեղյալ հայտարարելու մասին օրենքը։ Փաստաթղթի համաձայն՝ Ռուսաստանի Դաշնությունը դուրս է գալիս համաձայնագրից մնացած մասնակից երկրներին ծանուցումն ուղարկելուց ուղիղ վեց ամիս անց։
