29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Թուրքիայում երեխային Ռեջեփ Թայիփ անվանակոչած ծնողները դատարանով փոխել են որդու անունը
Քաղաքականություն
16.12.2021 | 23:30
Թուրքիայի կենտրոնական Չանքըրը նահանգում ծնողներն իրենց որդու անունը փոխել են՝ Ռեջեփ Թայիփի փոխարեն անվանակոչելով Արազ՝ նախագահ Էրդողանին աջակցելուց հրաժարվելուց հետո, գրում է Duvar-ը։
Այշեն ու Հուսեյնն իրենց երեխային Ռեջեփ Թայիփ էին կոչել 2015 թվականին, սակայն հիմա զղջացել են իրենց որոշման համար։
Նրանք անվանափոխության հայց են ներկայացրել, և դեկտեմբերի 6-ին դատարանը որոշել է, որ երեխային այսուհետ կոչելու են Արազ Էրդողան՝ Ռեջեփ Թայիփի փոխարեն։
Նշենք, որ երեխայի հայրն ավելի վաղ հայտարարել էր, որ պաշտոնյաները մերժում են իր որդու անունը փոխելու դիմումը՝ վախենալով պատժից։ Նա նաև ասել է, որ քվեարկել է իշխող «Արդարություն և զարգացում» կուսակցության օգտին, այդ պատճառով էլ որդուն կոչել է նախագահ Էրդողանի անունով։
«Հիմա ես զղջում եմ։ Ցանկանում են փոխել իմ որդու անունը, սակայն պաշտոնյաներն ասացին, որ եթե անունը փոխեն, տեղափոխվելու են։ Ահա թե ինչու մենք չենք կարող այն փոխել»,- ասել էր հայրը։
Էմմա Չոբանյան
