10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
Ալեն Սիմոնյանի հրահանգով՝ ԱԺ միջանցքից հեռացված աթոռները վերադարձվել են նախկին տեղը
Քաղաքականություն
16.12.2021 | 21:55
Ազգային ժողովի միջանցքներից մեկից հեռացված մի քանի աթոռները կրկին վերադարձվել են նախկին տեղը։ Այդ աթոռներին սովորաբար նստում են խորհրդարանի աշխատանքը լուսաբանող լրագրողներն ու օպերատորները։
Factor TV-ն ավելի վաղ հայտնել էր, որ այսօր ԱԺ նախագահի հրահանգով միջանցքից աթոռները հեռացվել էին՝ այն բանից հետո, երբ Ալեն Սիմոնյանն այդ հատվածով անցնելիս տեսել էր լրատվամիջոցների օպերատորներին՝ այդ աթոռներին նստած։
Այնուհետ, օպերատորների նախաձեռնությամբ, նրանք և մի լրագրող հանդիպել էին Սիմոնյանի հետ։ ԱԺ նախագահի խոսնակ Ծովինար Խաչատրյանը Factor TV-ին ասել էր, որ աթոռները հեռացնելու պատճառն օպերատորների ոչ պատշաճ նստելու ձևն է եղել։ Իսկ օպերատորները պնդում էին՝ իրենք պատշաճ ձևով են նստած եղել։
Մերի Մարտիրոսյան
