08.08.2026 | 12:17
15 հազար դրամի դիմաց՝ բանկային տվյալներ․ հերթական զեղծարարությունը
ՃՈ-ն ուժեղացված ծառայություն է իրականացրել Արմավիրում
16.12.2021 | 23:01
Դեկտեմբերի 15-ին, ժամը 15-ից 17-ը, ՃՈ ճանապարհապարեկային ծառայության բաժնի ուղեկցող հատուկ վաշտի և 2-րդ սպայական գումարտակի ծառայողներն ուժեղացված ծառայություն իրականացրին Արմավիր քաղաքում՝ արձանագրելով ճանապարհային երթևեկության կանոնների 58 խախտում։ Այս մասին տեղեկանում ենք ոստիկանության մամուլի ծառայունից։
Մասնավորապես, պահպանվող հատուկ տարածք տեղափոխվեց 6 տրանսպորտային միջոց, որոնցից 2-ը գտնվում էին հետախուզման մեջ։ Հայտնաբերվեց առանց վարորդական իրավունքի վկայականի մեքենա վարող 4 անձ։ Բացի այդ, հայտնաբերվեց առանց ԱՊՊԱ պայմանագրի շահագործվող՝ 4, թաղանթապատված դիմապակիով՝ 12, մեկ հաշվառման համարանիշով շահագործվող 1 մեքենա։ Նմանօրինակ ուժեղացված ծառայությունները պարբերական են։
