08.06.2026 | 19:42
Ողջունում ենք, որ Հայաստանում խորհրդարանական ընտրություններն ավարտվեցին խաղաղ և հանգիստ մթնոլորտում․ Թուրքիայի ԱԳՆ
Թուրքիայի ԿԲ-ն կրկին նվազեցրել է հիմնական տոկոսադրույքը՝ արժեզրկելով լիրան
Քաղաքականություն
16.12.2021 | 18:23
Թուրքիայի Կենտրոնական բանկն այսօր շարունակել է հիմնական տոկոսադրույքի նվազեցման կուրսը՝ 15-ից հասցնելով 14 տոկոսի։ Այս մասին ասվում է կառույցի կայքում հրապարակված հաղորդագրությունում, փոխանցում է Lenta-ն։
Այս որոշումից հետո թուրքական արժույթն էլ ավելի է արժեզրկվել է՝ հասնելով մեկ դոլարի դիմաց 15․61 լիրայի։
Նշենք, որ Կենտրոնական բանկի որոշումից առաջ այսօր արդեն թուրքական լիրան հատել էր 15 միավորի շեմը՝ արժեզրկման նոր պատմական ռեկորդ գրանցելով։ Ընդ որում, այս շաբաթվա ընթացքում սա արդեն արժեզրկման երկրորդ ռեկորդ էր։
Վերջին 20 տարվա ընթացքում լիրայի ամենամեծ օրական անկումը տեղի է ունեցել նոյեմբերի 23-ին՝ միանգամից 16 տոկոսով։ Այս դինամիկան ուղղակիորեն կախված է հիմնական տոկոսադրույքի իջեցման հետ, որի հիմնական ջատագովը նախագահ Ռեջեփ Թայիփ Էրդողանն է, իսկ Կենտրոնական բանկը կատարում է նրա հրահանգը։
Էմմա Չոբանյան
