11.10.2026 | 11:03
Երևանում վիճաբանության ժամանակ հրազեն է գործի դրվել․ կա երեք վիրավոր
Ղազախստանի մայրաքաղաքում բողոքի ցույցերի մտահոգությունից ելնելով՝ ոստիկանությունը փակել է կենտրոնական փողոցներն ու անջատել համացանցը
Քաղաքականություն
16.12.2021 | 14:13
Ղազախստանի մայրաքաղաք Նուր Սուլթանում՝ Հանրապետության հրապարակի մոտակայքում, համացանցն անջատվել է՝ անկախության օրը զանգվածային անկարգությունների մտահոգությունից։ Այս մասին գրել է EADaily-ն՝ հղում կատարելով vlast.kz պորտալը։
Համացանցն անջատվել է չգրանցված Դեմոկրատական կուսակցության և Ղազախստանի դեմոկրատական ընտրություն (DCK) շարժման սպասվող բողոքի ցույցերի պատճառով, որը ծայրահեղական է ճանաչվել ղազախական դատարանի կողմից: Նախատեսվում է նաև ընդդիմադիր «Oyan, Qazaqstan» շարժման («Արթնացի՛ր, Ղազախստան») ակցիան։
Բացի այդ, աղբյուրի տեղեկությունների համաձայն, քաղաքի կենտրոնական հրապարակից մի քանի թաղամաս այն կողմ կանգնած են ոստիկաններով լի մի քանի ավտոբուսներ։ Հրապարակը, որտեղ սովորաբար անցկացվում են տոնական միջոցառումները, փակվել են իրավապահ մարմինների կողմից։ Ոստիկանական ստորաբաժանումների կուտակում է նկատվում քաղաքի կենտրոնական հատվածում։ Բացի այդ, ոստիկանությունը փակել է նաև մի քանի փողոցների երթևեկությունը։
Դեկտեմբերի 16-17-ը Ղազախստանը պաշտոնապես նշում է Անկախության 30-ամյակը, մինչդեռ մարդիկ խոսում են երկու ողբերգական տարեթվերի՝ 1986 թվականին Ալմա Աթայում դեկտեմբերյան իրադարձությունների 35-րդ և արևմտյան Ղազախստանի Ժանաոզենի դեպքերի 10-րդ տարելիցի մասին:
Տաթև Ֆռանգյան
