24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Կորոնավիրուսի «oմիկրոն» շտամի հետ կապված իրավիճակը կարող է արագորեն վատթարանալ․ ԱՀԿ
Քաղաքականություն
16.12.2021 | 23:12
Կորոնավիրուսի «oմիկրոն» շտամի հետ կապված իրավիճակը կարող է արագորեն վատթարանալ` ընդամենը մի քանի շաբաթվա ընթացքում: Այս մասին հայտնել է Առողջապահության համաշխարհային կազմակերպության (ԱՀԿ) COVID-19-ի գծով հատուկ բանագնաց Դեյվիդ Նաբարոն, գրում է Sputnik-ի ռուսական ծառայությունը։
Կորոնավիրուսի նոր տարբերակը չափազանց մեծ արագությամբ է տարածվում աշխարհով մեկ, ասել է ԱՀԿ մասնագետը։ Նրա խոսքով՝ յուրաքանչյուր երկու-երեք օրը մեկ կրկնապատկվում է «օմիկրոն»-ով վարակման դեպքերի թիվը։
Նաբարոն հավելել է, որ որոշ երկրներում նոր շտամի հետ կապված իրավիճակը կարող է կտրուկ վատթարանալ մինչև տարեվերջ։ Նա անդրադարձել է նման պետություններին, մասնավորապես՝ Մեծ Բրիտանիային։
«Սա նշանակում է, որ իրավիճակը մեկ շաբաթվա ընթացքում ութ անգամ ավելի լուրջ կլինի, իսկ երկուսում՝ 40 անգամ»,- ասել է Նաբարոն։
Բոտսվանայում 32 մուտացիա պարունակող կորոնավիրուսի նոր շտամ է հայտնվել, հայտնում են բրիտանացի գիտնականները։ Միացյալ Թագավորությունը պարզաբանել է, որ նոր տարբերակն ավելի շատ փոփոխություններ ունի հասկի սպիտակուցի մեջ, քան վիրուսի մյուս շտամները։
Տաթև Ֆռանգյան
