Լիբիայում զինվորականները գրավել են բոլոր կառավարական շենքերը․ ՏԵՍԱՆՅՈՒԹ

Լիբիայի մայրաքաղաք Տրիպոլիում դեկտեմբերի 15-ի երեկոյան զինված անձինք գրավել են նախագահական պալատը և շրջափակել կառավարության ու Պաշտպանության նախարարության շենքերը։ Այս մասին տեղեկացնում է korrespondent-ը՝ հղում կատարելով Sky News Arabia-ն։

Պարբերականի տվյալներով՝ երկրի նախագահական խորհրդի ղեկավարն ու անդամները տարհանվել են անվտանգ վայր՝ նրանց բնակարանների վրա սպասվող հարձակումների մասին տեղեկություն ստանալուց հետո։

Նշվում է, որ պետական հաստատությունների գրավմանը մասնակցող զինվորականներն ընդգրկված են Ալ-Սամուդ բրիգադի գումարտակում։ Նրանք արդեն հայտարարել են, որ «Լիբիայում նախագահական ընտրություններ չեն լինի, և որ իրենք կփակեն Տրիպոլիի բոլոր կառավարական գրասենյակները»։

Սոցցանցերի օգտատերերի խոսքով՝ զինված մարդիկ գրավում են բոլոր նշանակալի ենթակառուցվածքները։ Նաև երկրի արևմուտքում գտնվող խոշոր քաղաքներում մարտական պատրաստության են բերված մի քանի ռազմական կազմավորումներ։

Այս իրադարձությունների ֆոնին Տրիպոլիի մի շարք թաղամասեր մնացել են առանց էլեկտրականության։

Մանրամասները՝ տեսանյութում։

🔴 #Libya– According to local reports, a group of armed gunmen has surrounded the Presidential Council building in #Tripoli.
Photos&vids purported to show armed gunmen posted up around the offices of PM Abdul Hamid Dbeibeh, leader of the Government of National Unity.
📹 pic.twitter.com/HRwzjvelgw

— Mete Sohtaoğlu (@metesohtaoglu) December 15, 2021

Տաթև Ֆռանգյան