29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Թուրքիան պաշտպանելու է կիպրոսցի թուրքերի իրավունքները Արևելյան Միջերկրական ծովում․ Ֆուաթ Օքթայ
Քաղաքականություն
15.12.2021 | 22:34
Դեկտեմբերի 14-ին Թուրքիայի Ազգային մեծ ժողովում իր ելույթի ժամանակ երկրի փոխնախագահ Ֆուաթ Օքթայը հայտարարել է Արևելյան Միջերկրական ծովում կիպրոսցի թուրքերի շահերը պաշտպանելու Անկարայի մտադրության մասին, գրում է թուրքական Daily Sabah-ը։
«Մենք անպատասխան չենք թողնի որևէ քայլ, որը կվնասի մեր երկրի կամ ՀԿԹՀ-ի (Հյուսիսային Կիպրոսի Թուրքական Հանրապետություն) օրինական իրավունքներին կամ շահերին Արևելյան Միջերկրական ծովում…Թուրքիան Արևելյան Միջերկրական ծովում իր ինքնիշխան իրավունքների և լիազորությունների շրջանակում, երբ ցանկանա, կարող է աշխատել մայրցամաքային շելֆի վրա»,- իր ելույթի ժամանակ հայտարարել է Ֆուաթ Օքթայը։
Հիշեցնենք, որ թուրքական զորքերի կողմից օկուպացված Կիպրոսի տարածքում է գտնվում այսպես կոչված «Հյուսիսային Կիպրոսի Թուրքական Հանրապետությունը» (ՀԿԹՀ), որի անկախությունը պաշտոնապես ճանաչում է միայն Թուրքիան։
Տաթև Ֆռանգյան
