20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Գնել Սանոսյանն առցանց ձևաչափով նախագահել է միջազգային էներգետիկ խարտիայի 32-րդ համաժողովը
14.12.2021 | 22:11
ՀՀ տարածքային կառավարման և ենթակառուցվածքների նախարար Գնել Սանոսյանն այսօր առցանց ձևաչափով նախագահել է միջազգային էներգետիկ խարտիայի 32-րդ համաժողովը, տեղեկացնում են նախարարությունից։
2021 թվականի հունվարի 1-ից Հայաստանը ստանձնել էր էներգետիկ խարտիայի համաժողովի նախագահությունը մեկ տարի ժամկետով:
Նախարարը ՀՀ կառավարության և իր անունից ողջունել է էներգետիկ խարտիայի գլխավոր քարտուղար Ուրբան Ռուսնակին, համաժողովի մյուս մասնակիցներին և արդյունավետ աշխատանք է մաղթել։
Նախարարը նշել է, որ Հայաստանի նախագահության շրջանակներում կատարվել են մեծածավալ աշխատանքներ, որոնց արդյունքները կամփոփվեն այսօրվա համաժողովի շրջանակներում։
Համաժողովի շրջանակներում կազմակերպության նոր գլխավոր քարտուղար է ընտրվել Գի Լենցը։
