17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Պարեկները կրկին ուժեղացված ծառայություն են իրականացրել Երևանում
Հասարակություն
14.12.2021 | 23:18
Դեկտեմբերի 13-ի երեկոյան պարեկային ծառայության Երևանի գնդի ոստիկաններն ուժեղացված ծառայություն իրականացրին մայրաքաղաքում։ Նախքան մեկնարկը գնդի հրամանատար Խաչատուր Սամվելյանը հրահանգավորեց անձնակազմին՝ ներկայացնելով ուժեղացված ծառայության նպատակները։ Այս մասին տեղեկացնում է ոստիկանության մամուլի ծառայությունը։
Ուժեղացված ծառայության ընթացքում պարեկները հայտնաբերեցին ճանապարհային երթևեկության կանոնների 131 խախտում, որոնցից 9-ը հետիոտների կողմից կատարված։ Պահպանվող հատուկ տարածք տեղափոխվեց 18 տրանսպորտային միջոց։ Հայտնաբերվեց նաև առանց վարորդական իրավունքի վկայականի մեքենա վարող` 12, ուժը կորցրած վարորդական իրավունքի վկայականով մեքենա վարող` 3, վարորդական իրավունքից զրկված` 2 անձ։
Բացի այդ, հայտնաբերվեց հաշվառման համարանիշերը ոչ սահմանված հատվածում փակցված տրանսպորտային միջոց վարող` 3, առանց ԱՊՊԱ պայմանագրի մեքենա վարող` 2 անձ։ Հայտնաբերվեց նաև վերասարքավորված խլացուցիչով 1 մեքենա։
Պարեկներն ուժեղացված ծառայության ընթացքում, տարբեր հանցագործությունների կասկածանքով, բաժիններ բերման
ենթարկեցին 5 անձի, որոնցից մեկը՝ հետախուզվող։
